影片
更多
2022-06-04
610 浏览
寻日食完呢 Cali-Mex 就发觉铜记分店好过佢好多，食物一样但招呼影响食欲。是咁的，屋企两位长老话好耐无去过愉景湾，就约埋其他家庭成员一齐去愉景湾。两个星期前我都食过铜记间 Cali-Mex，就觉得啲鸡中翼，Tacos同肉眼扒非常好食。所以去到愉景湾见到有就强烈推介啦 (依家谂返就觉得非常后悔)。接待员态度差：1）未入去就见到个接待员同一对情侣有小小嘈吵声。原来系因为接待员坚持要求对情侣一定要用手机安心出行二维码 (唔接受纸本或康复证明书) 先比入座。两位长老就叫我帮佢哋搞个二维码，因为佢哋系康复者，所以佢哋一向都系用纸本针卡或康复者证明书，再加上佢哋系唔多识用智能手机。我哋企咗喺度成15分钟先整完，行去扫就比个接待员话一定要系针卡二维码唔系康复码。我哋即塲出现黑人问号？(乜政府广告系假㗎？乜食肆系可以龙门任佢摆？)，所以我哋知道𠮶对情侣点解会同佢嘈。2）阿嫂话要求见经理，接待员就话经理行开咗，仲暗示叫我哋走同 “唔好令佢难做“ 咁。后来有位女职员 (感觉上好似经理) 叫佢比我哋入，照扫咗我哋啲二维码，合格就比入。点餐：两份肉眼扒，龙虾，鸡同牛tacos各一份，炸鱼薯条，同4杯冻饮
是咁的，屋企两位长老话好耐无去过愉景湾，就约埋其他家庭成员一齐去愉景湾。
两个星期前我都食过铜记间 Cali-Mex，就觉得啲鸡中翼，Tacos同肉眼扒非常好食。所以去到愉景湾见到有就强烈推介啦 (依家谂返就觉得非常后悔)。
接待员态度差：
1）未入去就见到个接待员同一对情侣有小小嘈吵声。原来系因为接待员坚持要求对情侣一定要用手机安心出行二维码 (唔接受纸本或康复证明书) 先比入座。两位长老就叫我帮佢哋搞个二维码，因为佢哋系康复者，所以佢哋一向都系用纸本针卡或康复者证明书，再加上佢哋系唔多识用智能手机。我哋企咗喺度成15分钟先整完，行去扫就比个接待员话一定要系针卡二维码唔系康复码。我哋即塲出现黑人问号？(乜政府广告系假㗎？乜食肆系可以龙门任佢摆？)，所以我哋知道𠮶对情侣点解会同佢嘈。
2）阿嫂话要求见经理，接待员就话经理行开咗，仲暗示叫我哋走同 “唔好令佢难做“ 咁。后来有位女职员 (感觉上好似经理) 叫佢比我哋入，照扫咗我哋啲二维码，合格就比入。
点餐：
两份肉眼扒，龙虾，鸡同牛tacos各一份，炸鱼薯条，同4杯冻饮2杯啤酒。
食物评价：
1）肉眼扒叫咗全熟 (为咗两老先叫全熟)，啲肉非常冧配埋本身肉汁仲非常嗞味。
2）龙虾，肉汁鲜甜酱汁系绝配。
3）Tacos 就差咗啲，我同两老就觉得 鸡肉 “咬落梅咗啲“。另一个味道无食留比人哋食。
4）炸鱼薯条，本来系最其待嘅食物。点知上菜时比漏炸鱼酱，同佢哋讲 “漏咗炸鱼酱，同埋想要茄汁，唔该“。一等就等咗差唔多18分钟先有人攞过嚟。不过期间都有再问佢哋啲酱汁点。无人应过我哋。
最后阿嫂又要求见经理，点知行过嚟就系𠮶位 “接待员“，觉得同佢讲都系嘥气就叫咗佢走。
埋单：
叫埋单就可以九秒九咁快，我哋就慢叹版，等所有人饮完啲嘢，先比齐头数多一毫子都唔会比多先走。
结论：
体会完愉景湾分店，就会知道咩叫 “做又三十六，唔做又三十六“ 嘅服务态度。
所以建议 “如果系用 hea 嘅心态去就可以“，但 “如果系想得开心就唔使啦“。
张贴