影片
更多
2019-02-27
36 浏览
以前喺中央图书馆读书，读到闷闷地都会嚟大坑哩便行一行。 贪呢边多小店，比多样化同特别。 朋友就嚟结婚话怕肥，所以就谂到黎食呢间越南嘢。门面装潢都唔错。特别放咗架单车，真系好有甜蜜蜜黎明同舒淇feel。睇下餐牌有咩食，有小食，汤面，特色小菜同甜品等。最后我哋叫咗个蜜桃大虾纸米卷，火车头招牌汤河，蟹肉炒粉丝同一杯热姜茶。计埋加一，大概都系400左右。第一次试蜜桃配大虾哩个组合。估唔到系咁清新。 甜甜地嘅蜜桃，配埋虾，生菜，米粉，朱古力酱，想像唔到既夹。唔错唔错。招牌汤河既汤底真系一流! 唔系出面𠮶啲味精汤，呢个真系似用肉排或牛骨去淆制而成，够清甜，唔错唔错。份量都好大，足够两个人食。入面有好多牛肉片，牛丸，牛筋，牛肚，萝卜等等。(朋友话食极都仲有肉，份量其实够四个人食，我真系不能认同更多了。) 如果加埋枱上面既九层塔，生菜，会令到个汤底，更加丰富同埋多层次。好用心嘅摆法，将啲香草叶，生菜，当系插花咁样装饰。蟹肉炒粉丝，又系一个有特色嘅小炒。粉丝好烟韧， 好有大排档小炒嘅风味。 可惜前面𠮶河粉已经差不多KO左我地2个，所以都食得唔多，要外带走。姜茶，好饮。食饱黎一杯，好醒神。最后有位好似老板
门面装潢都唔错。特别放咗架单车，真系好有甜蜜蜜黎明同舒淇feel。
睇下餐牌有咩食，有小食，汤面，特色小菜同甜品等。最后我哋叫咗个蜜桃大虾纸米卷，火车头招牌汤河，蟹肉炒粉丝同一杯热姜茶。计埋加一，大概都系400左右。
第一次试蜜桃配大虾哩个组合。估唔到系咁清新。 甜甜地嘅蜜桃，配埋虾，生菜，米粉，朱古力酱，想像唔到既夹。唔错唔错。
招牌汤河既汤底真系一流! 唔系出面𠮶啲味精汤，呢个真系似用肉排或牛骨去淆制而成，够清甜，唔错唔错。份量都好大，足够两个人食。入面有好多牛肉片，牛丸，牛筋，牛肚，萝卜等等。(朋友话食极都仲有肉，份量其实够四个人食，我真系不能认同更多了。) 如果加埋枱上面既九层塔，生菜，会令到个汤底，更加丰富同埋多层次。
好用心嘅摆法，将啲香草叶，生菜，当系插花咁样装饰。
蟹肉炒粉丝，又系一个有特色嘅小炒。粉丝好烟韧， 好有大排档小炒嘅风味。 可惜前面𠮶河粉已经差不多KO左我地2个，所以都食得唔多，要外带走。
姜茶，好饮。食饱黎一杯，好醒神。
最后有位好似老板娘嘅侍应嚟问下我哋，嘢食好唔好食呀， 寒暄下几句，觉得好亲切。
总括而言 呢度环境几好，装潢唔错有特色。 由6:30左右嚟食到8点左右，间餐厅都系坐满哂人，就知呢间嘢系好嘢。有d似系 街坊落街食嘢 ，有啲似系游客，有两张大枱似系一家大细特登揸车过嚟食嘅。今晚仲畀我见到一个老牌艺人嚟食嘢添。 所以我谂呢间餐厅应该喺附近系算几出名。
张贴
