Cucina

屋企人有集团嘅coupon 就过期，就拣左黎呢度试吓。平日晏昼点半先到，竟然都几满㖞。原来里面好大，仲估唔到啲台嘅距离咁远！印象中系其中一间最阔落嘅餐厅。可能因为私隐度高，俾我藐到有娱乐公司高层同个后生仔黎食。呢度仲望维景，夜晚应该几靓。面包不过不失。唔热但有三款。个黑醋真系甜黑醋黎，我比较钟意酸醋。蚕豆粟米汤：粟米汤好香，打溶左啲粟米嘅粟米汤真系特别正。蚕豆其实我唔太钟意食，佢放得几粒啱晒我，亦好在唔系煮到好淋。汤面仲有几滴黑松露点缀吓～黑松露味就冇乜。露笋海虾意大利饭：好热。好耐无食过意大利饭出晒烟的。海虾有啲半生熟，但唔鲜甜。露笋唔多。个人麻麻地个汁，唔够creamy，玻璃献咁。我估钟意食中餐嘅人会钟意？！士多啤梨沙巴翁：沙巴翁印象中香港嘅意大利餐厅几少做，有得食实在高兴。屋企人好钟意食。我觉得整体甜左啲，个lady finger 再厚返啲就正，个士多啤梨果肉雪糕好正好滑好味。Cappuccino: Illy黎。Good.服务都唔错。好多员工。都有礼貌。总结：唔会话超好食，但个环境真系好。呢个价钱lunch 都几好。黎倾嘢都系个好选择。