影片
更多
2019-04-03
87 浏览
响观塘apm同个客开完会，做完嘢成五点，未食Lunch好肚饿但又未食得晚饭，同同事两个人响商场兜左一阵，见佢有位，门口餐牌又唔算贵 (之前午餐时间经过几次，都系满座)，就拣哩度食啲嘢先返屋企。(因为工作关系都几食无定时，但系又可以响啲冇咁忙嘅时间，食到啲平时要排队等位嘅餐厅都几好。)哩度环境唔错，坐到窗边高枱(仲) 有日光，又未有客阻住，影啲街景几有风味，非常适合影黎post相。同事拣左食三样嘢，居然有两样咸蛋菜式，我估佢系超钟意食咸蛋...近来咸蛋味嘅嘢的确系大热，周围 (连快餐同炸鸡𠮶啲) 都出咸蛋食品，虽然唔系啲咩新奇嘢，但系可以一试。第一个系店员推介嘅黄金龙虾 ($298)，有跟汤或沙律、饮品同甜品 - 但唔记得影相)，讲真系几贵嘅...个铁板好热，佢一出菜到上到枱都出烟同滋滋声，仲好香添，不过我地影相影都玩左一两分钟，到真系食嘅时候先落汁，底下啲面㶶㶶地同干...龙虾肉都算多，有七八旧，亦算大旧，肉质弹牙!但系唔算好重咸蛋味㖞，个龙虾味汁几香，味道唔错，夹埋啲面同配菜都几惹味。跟住系金沙黄金薯条 ($58)，咸蛋味唔系好突出，不过配𠮶个黑松露酱就好好食，变左主要系食啲酱。第三
哩度环境唔错，坐到窗边高枱(仲) 有日光，又未有客阻住，影啲街景几有风味，非常适合影黎post相。
同事拣左食三样嘢，居然有两样咸蛋菜式，我估佢系超钟意食咸蛋...近来咸蛋味嘅嘢的确系大热，周围 (连快餐同炸鸡𠮶啲) 都出咸蛋食品，虽然唔系啲咩新奇嘢，但系可以一试。
第一个系店员推介嘅黄金龙虾 ($298)，有跟汤或沙律、饮品同甜品 - 但唔记得影相)，讲真系几贵嘅...个铁板好热，佢一出菜到上到枱都出烟同滋滋声，仲好香添，不过我地影相影都玩左一两分钟，到真系食嘅时候先落汁，底下啲面㶶㶶地同干...龙虾肉都算多，有七八旧，亦算大旧，肉质弹牙!但系唔算好重咸蛋味㖞，个龙虾味汁几香，味道唔错，夹埋啲面同配菜都几惹味。
跟住系金沙黄金薯条 ($58)，咸蛋味唔系好突出，不过配𠮶个黑松露酱就好好食，变左主要系食啲酱。
第三样系法式焗田螺($88) ，港式西餐必备 ! 前两项都算好食，但硬系差少少，哩个我就比好高分，六粒田螺肉大只，basil汁够味，再加埋热辣辣焗起嘅薯蓉，捞啲田螺汁，又滑又香。
两个人咁样食三样嘢都几饱，返到屋企都唔驶再食嘢。咸蛋系列就OK啦，个田螺系赞嘅，令成餐加哂分。另外佢仲有好多铁板菜式，下次有机会经过又等到位先试。
张贴
