新泰東南亞餐廳 (已結業)

行完书展成九点半就同屋企人嚟食东南亚菜 一入到去 发现环境好好 好有格调 卡位嘅布置亦好别致 有d喜出望外🤗餐牌亦都有好多选择首先叫左逢去泰国餐厅必食嘅炸虾饼虾饼新鲜炸起 热喇喇好脆 虾肉亦好饱满 正🤤另一个小食叫左蒜香越南牛油鸡翼 蒜香味好香口 鸡翼都炸得好香脆 又有牛油味 好食👍🏻最后一个小食：香芒软壳蟹米纸卷呢道菜就相对冇咁heavy 有香芒同生菜 感觉好fresh 生菜好爽口 加上软壳蟹亦香脆 仲有芒果嘅鲜甜 口感同味道层次都好丰富😋泰式菠萝炒饭卖相好靓 入面亦都好足料 大虾都有几只 亦有鸡肉 豆干 菠萝🤤泰式炒金边粉 Phad Thai卖相好似菠萝包🤣 但其实上面系一层蛋线 好绵密 金边粉亦好香 唔会太湿 亦够足料！泰式甜品大拼盆一见个卖相已经好吸引 中间系必叫嘅芒果糯米饭 隔离有椰汁糕 千层糕 马豆糕 西米糕 真系好正 卖相掂 食落都好掂 亦都好有心思 特别钟意西米糕😋😋总结呢度环境好好 价钱亦合理 食物质素亦好 会再encore!