景逸軒 (已結業)

今日係冬至，當然要飲茶慶祝下🎉 。早幾日行徑天文臺道，見呢棟大廈d餐廳新開左大半年都未試過，於是決定冬至日過黎飲茶，呢度有兩間酒樓，我地是旦揀左呢間係5樓既酒樓。我地1行6人揀左個4人餐同8樣點心。粟米奶黃包賣相精緻，小朋友必叫。鳳爪味道正常，但份糧略為少。尖椒釀魚肉，得3條，份量太少，吾夠分，無食到。太部分點心都係得3小舊呢度食物質素中等，環境舒適，可以網上定位，非常方便，但份量略嫌太少，而且仲要加12%服務費。有點貴夾吾飽肚，好采今日有私伙cheese cake當下午茶。