My Thai Bar & Restaurant

营业中

休息中

东涌虽然比较偏僻，但系呢度有个outlet好多嘢行，而且朋友介绍，呢度附近嘅餐厅好有外国气氛，咁就一于揾日嚟试吓同埋黎行街啦。呢间餐厅真系有泰国人侍应，而且坐喺近窗口位，望出去系一个好大嘅公园，真系好有喺异国嘅气氛㖞。呢个生菜包非常好食，平时食生菜包最惊佢有好多肥猪肉，佢唔会之余又食落好香口，食完之后感觉更加开胃呀。我觉得呢间餐厅最值得赞嘅就系呢一个三味鱼，平时好似好少见到呢一种煮法，佢一上枱嘅时候见到咁大条，其实有少少惊，因为惊会好多骨，但系竟然原来佢系冇骨嘅，小朋友都啱食啊。而且佢嘅鱼肉又鲜味又弹牙，真系估佢唔到咁好食，而家谂返起都好想再食啊。呢个蟹肉炒饭都好正，佢嘅炒饭粒粒分明，而且蟹肉都够多，食落香口又唔会太咸，都系必试嘅item呢。最后佢嘅甜品拼盘都好正，椰汁糕同埋西米糕都系唔会太甜，为呢一餐画上一个完美嘅句号。呢间泰国菜又正宗又抵食，而且环境仲一流添，我觉得好适合拍拖，或者游车河入嚟食，我之后都一定会再嚟啊。