滿天星 (已結業)

今日去铜锣湾同屋企人食饭，经过京都广场见到呢间西餐厅，性价比好似几高，几吸引，就上咗去试吓！两个人叫咗两样嘢，整体来讲，味道，价钱，环境都几好！🤣叫咗一个精选晚餐，西班牙黑毛猪鞍配巴马火腿，味道好浓郁，朱鞍烧得啱啱好，肉质唔会太鞋，切落去仲有肉汁添！配上巴马火腿，咸咸地，加埋嘅口感有几新奇😋另外再叫咗个大虾大啡茹意粉配香辣龙虾汁，呢个好推介意粉煮得啱啱好，意粉有种烟靭嘅质感，系我最钟意食嘅𠮶种意粉！龙虾汁好浓郁，啖啖龙虾汁配意粉同大虾，而家谂返起都仲好想食🤣🤣环境方面，佢有得坐室内同室外，室外嘅环境几靓，如果攞嚟开party应该都会几正，佢逢星期五六日都会有乐队驻场表演音乐，成个feel都好chill😆