十分幸福 (已結業)

唔系住系附近，有日约人经过，感觉装修好有感觉。打卡位唔少，好有台湾的感觉，室内环境亦干净企理，令到我望一眼就决定入去食个lunch。(虽然真系好少人......)然后见到菜式，都系好地道的台湾系，名亦算吸引，价钱亦算合理。先叫咗2个午餐先，一个必食的盐酥鸡+肉燥饭，另一个亦算系必食的牛肉面。先讲个盐酥鸡+肉燥饭先，卖相十分OK，先试个盐酥鸡，发现炸粉好厚同埋鸡扒唔够多汁好味，最得意的是......有葱油！肉燥饭就未见有惊喜，小朋友食2啖就无兴趣再食了。其他配菜相比下就好少少。然后台湾菜就一定要配珍珠奶茶啦! 卖相十分OK，但饮落......好淡......，真系失望。然后到牛肉面，都系无惊喜地质素好一般，个茶感觉OK (应该都好难唔OK)。等到朋友嚟，又再叫咗2个下午茶餐，好难得平均地都系唔好食，饮品水准KEEP住系失望。结论系: 硬件条件真系好OK，但味道实在令人食一次就够，希望日后有所改善啦!!!唔好浪费左个场。