桔梗 (已結業)

桔梗(砵兰街)帮衬完无耐，佢哋社交平台就话告急喇，仲引起左网民海量嘅负评围剿，绝大部份都话佢哋嘅食物同服务质素差，价钱又贵。系咪真有其事呢？奶油罗勒干贝意粉 $148望落好浓，食落刚刚好，厌佢太多汁，干贝煎得唔错，但意粉煮得唔够靓。慢炖蕃茄牛肉意粉 $128牛肉一般，酱汁今次就差D味，意粉一样系煮得唔靓。烤牛肉芝士三文治 $128块面包亁身偏硬，牛肉又系亁身无乜味，两样野加埋更加亁。黑松露奶油干贝炖饭 $168松露味道刚刚好，配D 炸脆左嘅藜麦同金针菇捞埋佢温泉蛋一齐食系几唔错的。水牛城鸡中翼 $88唔系我认知嘅水牛城鸡翼，怀疑佢用Blue cheese 腌D鸡翼，咸到肾亏。(食过Blue cheese就明点解会肾亏)总结而言，食物质素我又唔会觉得好差，的而且确价钱比起一般cafe 贵DDD，但佢餐厅环境同食物水准，我认为系同类型Cafe一般水平之上。至于职员服务态度就真系好麻麻，一入门口已经用命令式语句，无精神又黑口黑面，但转个身又会同事倾计嘻嘻哈哈。