BASAO tea (月街)

营业中

休息中

原来而家已经专注做茶，冇左加奶既茶饮了。当日星期五下午去到，都有两枱客人。环境清静，店员有礼温柔介绍，但略嫌座位模式同饮茶唔多配合。两个人叫左两个手冲茶+2 件蛋卷蛋卷size都真系几迷你，系传统用茶叶加落去甜品入面，令佢带有茶味，但cream 甜味太突出，两件蛋卷嘅茶味都唔算明显，但蜜香红乌龙会比较好。茶品送上会配上一张饮茶简介，有一杯水俾你清味蕾。仲配上一件疑似系微热山丘嘅凤梨酥。坐正喺冲茶师前面，见到佢嘅冲茶手法唔算纯熟，用公式化嘅计时器计算出茶时间，照计唔会有错。但两款手冲茶口感不算顺滑，见到佢都接近两三分钟先出茶。 之前去茶艺师学茶，一般都系30秒出茶，唔知系唔系同茶种有关系。两款手冲茶单欉比较好饮，有花香味。环境宁静，如果一个人想有咖啡以外既选择，去休息一阵饮杯野，呢间铺头都系一个另类既选择。