Noodle LAH! (已結業)

夜麻麻喺金钟都冇咩食，黎到远东叫做有几间餐厅。呢间之前试过都几好食，所以再试多次。夜晚冇咩人，座位非常宽敞，暗淡嘅灯光令到呢度嘅环境有几分浪漫，最适合啲情侣撑枱脚。我点左大镬炒贵刁，好香。有虾、豆腐，仲有啲蛋碎。唔系太油腻，份量适中，卖相都吸引。不嬲都钟意食豉油炒贵刁多过星洲炒贵刁，好似冇咁多人造色素。朋友点左泰式金边粉，份量俾贵刁多小小，爽身，唔算太咸。正如朋友话斋，试食金边粉真系可以试到一间餐厅嘅水准。呢只金边粉冇令到我个朋友失望。餐厅嘅款式都几多，有捞面、汤面、粉面，仲有饭类，都系泰国餐厅平时食开𠮶啲嘢食。另外仲有头盘、小食，食物唔包嘢饮，但系如果点头盘加主菜就会送一杯野饮（好似）。平均埋单一个人＄80到啦。正常嘅份量，环境系呢间餐厅嘅卖点，食物都满意，唔知平日使唔使等位，但系夜晚就可以一试。