影片
更多
2022-01-12
255 浏览
话说屋企附近最近开咗UNY，而开设喺UNY入边嘅呢间韩式餐厅原来喺K11 Musea都有分店，未食过呢间嘅我上星期日终于去咗试啦☺️🥣韩式鲍鱼粥 $68随粥附送三粒腌制过嘅鹌鹑蛋同埋唔算好辣但好味嘅泡菜🌶讲返个粥，佢嘅浓稠程度香港人会钟意，因为都几绵，无印象中我喺韩国食过嘅粥咁杰。另外唔好睇佢无咩料到咁，其实食落都有唔少鲍鱼粒喺入边，几款食物之中最推介呢个粥比大家👍🏻👍🏻🥩韩式炭烤牛猪肉盖饭 $78随饭附送一碗昆布汤同埋泡菜！只蛋唔会煎得好生，其实都系好事🤣用啲蛋白同蛋黄碎，加埋啲辣辣哋、好惹味嘅牛肉同猪肉捞饭，绝对会令你不自觉地食多几啖饭😋🫓泡菜煎饼 $38呢个煎饼唔算好辣😚入边啲香葱、洋葱同埋泡菜都好足料，食落唔会好粉；啲边边位仲要几香脆嘅添！如果可以少啲油就更加Perfect啦😆🍢炸鸡年糕串 $32食全盘炸鸡又好似太热气，食呢个少少哋嘅炸鸡年糕串就啱晒啦👏🏻第一次食炸年糕，无平时食嘅年糕咁弹牙，比较硬身，但都几特别；炸鸡粒就有啲似咕噜肉，值得一赞嘅系佢唔会好油腻🤗
话说屋企附近最近开咗UNY，而开设喺UNY入边嘅呢间韩式餐厅原来喺K11 Musea都有分店，未食过呢间嘅我上星期日终于去咗试啦☺️
🥣韩式鲍鱼粥 $68
随粥附送三粒腌制过嘅鹌鹑蛋同埋唔算好辣但好味嘅泡菜🌶讲返个粥，佢嘅浓稠程度香港人会钟意，因为都几绵，无印象中我喺韩国食过嘅粥咁杰。另外唔好睇佢无咩料到咁，其实食落都有唔少鲍鱼粒喺入边，几款食物之中最推介呢个粥比大家👍🏻👍🏻
🥩韩式炭烤牛猪肉盖饭 $78
随饭附送一碗昆布汤同埋泡菜！只蛋唔会煎得好生，其实都系好事🤣用啲蛋白同蛋黄碎，加埋啲辣辣哋、好惹味嘅牛肉同猪肉捞饭，绝对会令你不自觉地食多几啖饭😋
🫓泡菜煎饼 $38
呢个煎饼唔算好辣😚入边啲香葱、洋葱同埋泡菜都好足料，食落唔会好粉；啲边边位仲要几香脆嘅添！如果可以少啲油就更加Perfect啦😆
🍢炸鸡年糕串 $32
食全盘炸鸡又好似太热气，食呢个少少哋嘅炸鸡年糕串就啱晒啦👏🏻第一次食炸年糕，无平时食嘅年糕咁弹牙，比较硬身，但都几特别；炸鸡粒就有啲似咕噜肉，值得一赞嘅系佢唔会好油腻🤗
张贴
