Green Waffle Diner (形點) (已結業)

今日同朋友嚟呢个商场影熊本熊之后就谂住食晚饭，由于唔想行出去咁热所以就系呢个商场睇下有咩啱食。拣咗呢间开放式餐厅，位置非常阔落，仲安排到个卡位畀我哋坐。我就要咗个卡津鸡肉薯粒镬仔朋友就要咗个啤酒脆浆银𫚧鱼炸鱼薯条朋友个炸鱼薯条等左阵就嚟到卖相非常吸引 炸到金黄色嘅鱼柳非常大，外皮炸得非常脆口同薄身。入面嘅鱼柳同平时食到嘅好唔一样，口感较厚实唔会食落好霉，鱼肉仍然系非常嫩滑，简单加小小柠檬汁已经好好食。 推介 ！至于薯条亦都系非常惹味，每条薯条都非常饱满又滋味，一条一条keep住食停唔到！至于我嘅镬仔卖相当然都系好美观！有一只流心水煮蛋喺上面再加埋满满嘅芝士同cajun粉 夹埋香口薯仔粒同鸡肉仲有青椒洋葱，口感同味道都好丰富。 份量十足又好食 。食甜品自然就系第二个胃，同朋友拣咗个鲜芒果士多啤梨窝夫配朱古力雪糕。窝夫外皮少少脆入面嘅口感咁软绵绵又有蛋香，热辣辣好满足 。呢度系非常大方，枱面上系有蜜糖胶浆比你自己加，当然我哋就咁配忌廉同埋雪糕已经非常好食。配朱古力雪糕确实系甜溜溜，配返芒果同埋士多啤梨清新一下都系好好嘅配搭！