石鍋堂

营业中

休息中

同朋友行左好耐街，见呢间唔洗等位谂住入去坐低舒舒服服食个饭倾下计，一行入去见到咁逼已经有唔好嘅预感。见都唔系好多客就问下可唔可以比我地坐大台，男侍应话唔得，都理解嘅，始终之后有机会有多客人。点知之后男侍应态度开始好无礼貌，问多两句个样就好唔耐烦。我同朋友仲谂紧食咩，佢全程唔出声西面样，手指指咁要我地比张落单纸佢，好似催我地落单咁，服务态度咁差，连水都唔提供，仲收加一服务费？😅😅都算啦，啲食物质素更加系对唔住价钱。叫左个黑松露汤同黑蒜汤，闻落以为好浓，点知食落口个汤底极淡。吉列猪扒就系普通炸猪扒，皮唔脆，肉好柴。乌冬口感完全唔似系手打，似包装乌冬。连锁店质素，仲要收呢个价钱，性价比系0。不过讲真就佢呢个服务态度，几好食都唔会有第二次，更何况咁难食。咁多好评，手打乌冬定打手乌冬？