Little Tipsy Restaurant & Bar (已結業)

今晚朋友聚会，佢哋拣选左依间西餐厅。地点喺王子大厦楼上，确实系一间幽静嘅西餐厅。晚市餐牌，食物选择一般，不过价钱偏贵。芝士烟肉墨西哥薄饼 $98: 薄饼好细块，应该只系餐前小食。北海道带子墨汁意大利饭 $208: 意大利饭都叫OK，但系$200得三粒带子。香橙蜂蜜烤鸡 $218: 鸡肉味都OK，不过份量细啲。烧猪肋骨拌薯仔沙律 $248: 猪仔骨味道都OK，烤得几好。蚬肉意粉 $148: 呢个意粉都好OK，口感正宗。炸蕃薯条拌酸忌廉 $48: 全晚最钟意系依个炸番薯薯条，味道好特别，好香口，食咗一条就停唔到口。朱古力心太软拌雪糕 $68: 心太软配上云呢拿雪糕简直系一绝，呢个甜品好味。意大利芝士蛋糕 $48: 呢个tiramisu就普通咗啲，咖啡味唔太出。埋单每人$208，因为主菜份量少，其实我当晚食得唔多野，不过同朋友相聚，可以倾偈倾成晚又OK嘅。