澳瑪葡國菜 (已結業)

呢一晚為咗要喺同阿肥一齊共進晚餐嘅時候,可以睇到維港迷人嘅夜景,喺open rice度搵餐廳之際發現到呢度仲有好可愛嘅🦆鴨鴨相伴,所以就決定要嚟呢間葡國餐廳試下。 好彩阿肥事先有打電話嚟訂座,週末假期時份嚟海港城幾乎所有食肆都擠滿了人,如果冇訂枱真係唔知要排隊等幾耐先至有得食喇...... 由於人太多同埋呢度有卡通主題,門口位置有一個小地方佈置咗個小樂場俾小朋友耍樂,所以呢度都比較嘈吵~不過職員好友善,肯幫我哋轉枱,調到一個窗口位,等我可以開心番。 不過呢間餐廳嘅食物水準都係一般般,味道同出面一啲小型咖啡室差唔多,所以會再嚟嘅機會真係唔大喇