Pret A Manger (已搬遷) 新店位置

第一次去呢间PRET，开头担心冇位坐，因为见到得两三张台仔，但原来有上层，仲有好多位添。上层环境几靓，布置简约，座位好阔落，唔会坐到好逼。LUNCH繁忙时间都唔会好爆。买左个HEALTHY SKIPJACK TUNA SALAD ($50)，低卡健康之选！因为日日新鲜日日清，所以PRET嘅沙律永远都好新鲜，唔会有任何一片菜叶发黄，青瓜好爽脆，车厘茄好多汁，鸡蛋有少少黑椒调味，不过我自己就好钟意黑椒所以另外再加左少少。吞拿鱼份量都几多。我自己就好钟意呢个沙律，所以几乎次次去PRET都一定系食呢个。