影片
更多
2021-01-27
220 浏览
餐厅名相当正🥳一间好多玻璃灯装修靓靓岩哂打卡🤘🏻食物卖相精美、平时好少见嘅土耳奇菜，味道亦几好食好岩我哋港人口味😙我系限聚令之前(都有一段时间了😢)𠮶阵同朋友成班一齐食所以叫咗好多款式食物，餐牌几乎俾我哋试晕哂，miss miss🥺.👓乳酪黄咖喱鸡 配中东皮塔饼/中东香草饭 $126黄咖喱吾辣，主要食到加左好多吾同香料烹调而成，有少少印度咖喱味。都系有薯仔三色椒，面头淋上少少椰汁。叫左个中东皮塔饼，质感唔系印度薄饼𠮶啲油松酥脆，偏似硬实嘅黄油饼，唔可以话系硬嘅，系偏干身饼状，沾咖喱食都吾错嘅。评分：7.5/10 中东皮塔饼(6/10）👓秋葵烩羊肉 配中东皮塔饼/中东香草饭 $136羊肉煮得几淋吸晒香料味，酱汁其实同上面个黄咖喱有少少似纯粹系少左个咖喱香辣味。听到有秋葵可能会惊，但由于吸晒香辣酱汁味所以好容易入口好惹味，质感少少爽口又唔会太淋！中东香草饭系偏干身而散，完全唔系平时亚洲人食嘅白饭咁一粒粒黏口，一拎上手就好散，其实可能只系我哋食吾惯😂评分：7.5/10 中东香草饭(5.5/10）👓牛肝菌野菌意大利饭 $146好够菇菌，但唔太明显食到牛肝菌香味，意大利饭正常，唔会煮到太生，反而
我系限聚令之前(都有一段时间了😢)𠮶阵同朋友成班一齐食所以叫咗好多款式食物，餐牌几乎俾我哋试晕哂，miss miss🥺
.
👓乳酪黄咖喱鸡 配中东皮塔饼/中东香草饭 $126黄咖喱吾辣，主要食到加左好多吾同香料烹调而成，有少少印度咖喱味。都系有薯仔三色椒，面头淋上少少椰汁。叫左个中东皮塔饼，质感唔系印度薄饼𠮶啲油松酥脆，偏似硬实嘅黄油饼，唔可以话系硬嘅，系偏干身饼状，沾咖喱食都吾错嘅。
评分：7.5/10 中东皮塔饼(6/10）
👓秋葵烩羊肉 配中东皮塔饼/中东香草饭 $136羊肉煮得几淋吸晒香料味，酱汁其实同上面个黄咖喱有少少似纯粹系少左个咖喱香辣味。听到有秋葵可能会惊，但由于吸晒香辣酱汁味所以好容易入口好惹味，质感少少爽口又唔会太淋！
中东香草饭系偏干身而散，完全唔系平时亚洲人食嘅白饭咁一粒粒黏口，一拎上手就好散，其实可能只系我哋食吾惯😂
评分：7.5/10 中东香草饭(5.5/10）
👓牛肝菌野菌意大利饭 $146好够菇菌，但唔太明显食到牛肝菌香味，意大利饭正常，唔会煮到太生，反而忌廉汁底都做得几creamy入味，当中有芦笋，面头洒上大量芝士碎🥳
评分：7.5/10
👓香煎鲜带子黑松露扁意粉 $148 有两大粒香煎带子，都煎得香口不过不失，忌廉汁底有淡淡黑松露味唔算非常香浓明显，但个汁唔算好creamy好漏，如果钟意creamy rich口感嘅人就可能觉得少稀，惊滞嘅人就会觉得刚好。
评分：7/10
👓香草去骨烧春鸡 $168卖相整到有少少似鸡扒，但其实佢系春鸡所以系好大块好厚，煎得个皮好香脆肉质系滑嘅，可能系土耳其食物好着重香料调味，所以旧鸡都好够味。有少少蔬菜伴碟。整体系好食嘅不过又觉得好似唔太值呢个价钱🤔
评分：7/10
👓无花果石榴沙律 $65卖相红卜卜好靓，有一片片无花果、红石榴粒粒，无花果味道几新鲜而红石榴味道酸甜，配上少少芝士碎、乳酪酱同沙律菜底够夹。
评分：7.5/10
👓中东串烧 鸡/羊各2串 配中东皮塔饼 $168 总共四串，每一串都夹杂住三色椒同五大粒肉，肉质唔韧但又未称得上系嫩滑，稍为干左少少唔算好juicy可能因为肉粒唔算好多脂肪位，不过腌料系好够味明显用咗好多香料，羊质感同味道比鸡好食，伴有乳酪酱可以沾串烧食。
评分：7/10
👓小食串烧 鸡/猪各3串 $58总共六小串，当然肉量比主菜嘅大串烧少亦少咗𠮶啲三色椒洋葱配菜，价钱亦系两回事，不过作为一个啖啖肉无菜嘅小食都吾错。
评分：7/10
张贴
