Interval (The LOHAS康城) (已結業)

康城站越开越多新食肆，就入去试下人气餐厅，主打 sourdough pizza 嘅 Interval ~有空内空外位置，冇落雨又凉凉地，坐outdoor 都舒服。🍕芝士四重奏 Sourdough pizza 眼见每枱都食 pizza~ 饼底好松软，围边焗得香脆，虽然话有Monzerella, Parmesan, Taleggio, Gorgonzola 四款芝士，但感觉芝士味都唔系太重，pizza 就系10寸size, 2-3 人 share 啱啱好。🍝XO酱大蚬意大利粉份量都大，蚬肉大粒，加入香蒜片同XO酱炒得惹味。☕️Flat white ，Caffe Mocha 正常，不过唔钟意冇用碟上，上枱时搅到 Mocha 嘅杯边有少少倒泻。🍰Collective Tiramisu 可以唔叫，冇酒味冇咖啡味，冻饼一件。🍰杏仁蛋糕几松软，杏仁味香浓，反而有惊喜。呢度环境系唔错，唔焗促，而且pet friendly， 感觉chill 嘅。不过食物质素普通，尤其甜品真心麻麻。呢个价位，可以有大把靓Cafe 可选择。