泰爸爸

营业中

休息中

呢间泰菜系大角咀极多好评，仲有户外座位chill一chill, 系奥海城咁多连锁餐厅中既小店。选择多🍢 泰式拼盆 $138 有虾饼、鱼饼、春卷同鸡肉沙嗲。 三款炸物都好热辣辣，感觉系即炸既，鱼饼香茅味十足，虾饼外皮薄又脆，内馅好弹牙。春卷内馅系素食咁，一丝丝好丰富。鸡肉juicy, 配上沙嗲汁一流。🐮 生牛肉汤河 $62其实呢到真系都几多种类选择，但好少又有炒野又有咁多款汤粉面。好大既一碗，除左牛肉仲有两大旧白萝卜，加啲生菜。欣赏佢既汤底，浓味又有啲鱼露既咸香，同埋河粉都好滑好弹牙。🦀 蟹肉芒果炒饭 $88饭粒炒到粒粒分明，好有蛋香同葱香。芒果粒好甜，而且唔辜寒，真系有真蟹肉。份量仲几大碟，一座小山丘咁。🍹 菠萝沙冰$30又系大杯到满泻。菠萝味清清地，绝对唔系果汁沟成既，饮饮下仲会饮到菠萝丝。香港咁热既天气消暑一流。