嵐石 - 海鮮&牛扒餐廳 (已結業)

朋友忽然提议入赤柱一游，而又想坐得舒服啲 (本身想坐 outdoor) 就选择左o系美利楼食。当日受到上天眷顾，成个赤柱都唔多人，而天气又十分好。不过中午的确系好热吓... 结果都系拣左有冷气嘅位坐。餐厅内部好靓，啲位又阔，枱与枱之间唔近，好舒适。四个人头盘分别拣左沙律、龙虾尾同生蚝。食沙律的朋友无乜特别 comment, 我估系 ok; 食生蚝o个位话好食; 我有个朋友话龙虾尾有 D 腥，但我自己又唔觉，还好的。是日餐汤系南瓜汤 (但唔记得影相)，朋友话好饮; 我就饮西班牙番茄冻汤，好饮~ 主菜就拣左肉眼扒同西班牙黑毛猪+血肠。三个朋友都叫七成熟肉眼扒，但结果三碟黎到都系不同生熟程度的... 呢个位有 D 扣分... 一份七成、一份九成、一份三成... 不过味度系好食嘅 (我试左七成o个碟些少)，伴碟薯仔都好食。我就食黑毛猪o个碟，猪味系浓郁嘅，不过我略嫌有少少过熟，即系有咬口，咁就睇个人喜好钟意咬口多 D 定嫩滑多。块西班牙血肠第一次食，几得意嘅，咸咸地无乜奇怪味度的东西，薯蓉正常。最尾餐饮都系叫热咖啡，我觉得唔错㖞，系 nutty 的。