Elephant Grounds (已結業)

今日同朋友嚟食晏，选择唔多（10款以内），我地就一个拣咗食佢地嘅signature burger ,一个食tuna mix sandwich.佢地地方超空旷，系个几适合倾计嘅地方。同埋好光猛，感觉好舒服！食物嘅貌相非常唔错，好能引起人嘅食欲。但系一食落口就有啲失望。我个tuna sandwich个包系烘过嘅，见到外面都系金黄色嘅，不过一食落口系林咖。唔系软熟，系林呀！然后一啲都揾唔到烘过嘅脆口嘅口感。啲tuna mix又过咸，同埋好似无乜诚意，就咁开罐头吞拿鱼嚟serve人咁。唯一欣赏嘅系佢伴碟嘅粟米。佢烤过嚟嘅，同埋都有啲seasoning，食落去有粟米嘅甜又有seasoning嘅香，真系唔错！就咁一个普通嘅sandwich唔跟饮品都成72蚊个人觉得有啲贵。至于我朋友个burger我无试到，不过佢食咗一半就放低，咁大家都估到好食极有限。整体而言，我觉得呢度sell 环境多过食物。得个名，无乜内涵。只能比5/10。