影片
更多
2024-04-28
1165 浏览
呢间餐厅系一位朋友介绍，今次想帮另一位朋友庆生，咁就试试喇。一开始出lift就见到好墟冚，长期处于满座状态，好多人排队。我哋就系坐喺对住䢂口嘅位置，长期系需要同啲等䢂同出䢂嘅人对望⋯而另一边就有块玻璃，隔离啲人又食食吓望过嚟，令人觉得劲唔自在。其次就系我哋头顶有一盏射灯，一开始坐都觉得冇乜嘢，但系坐得耐咗真系觉得热。加上一开始就食鸡煲，已经感觉到啲蒸气不断咁蒸上嚟，甚至系去到后尾打边炉都系觉得越嚟越热⋯连负责book 位嘅朋友都忍唔住出声话冬天食嘅话系的确好暖好舒服，夏天就真系热到顶唔顺⋯佢都食到一半就落咗大堂过冷河，吹返冻过人，之后先至继续一齐食⋯坦白讲，个鸡煲嘅调味系好惹味嘅。一开始我哋去处理𠮶个鸡煲嘅女服务员态度有啲差，有啲晦气，不过都觉得情有可原，因为真系好热，成个场又好宅好多人，佢哋都好难可以保持住好好嘅态度。不过又客观啲讲，见到有好多其他嘅服务员，其实佢哋都系好多时都会唔该前唔该后，有啲重要搬住好多好重嘅嘢，真系都已经好辛苦佢哋。所以服务方面整体上都可以嘅。至于啲嘢食，个鸡煲其实啲肉系唔多，都系偏多骨。每次打开个鸡煲去炒嘅时候，都觉得阵味好抢，好攻鼻😂另外值得一提嘅系，点解
一开始出lift就见到好墟冚，长期处于满座状态，好多人排队。我哋就系坐喺对住䢂口嘅位置，长期系需要同啲等䢂同出䢂嘅人对望⋯而另一边就有块玻璃，隔离啲人又食食吓望过嚟，令人觉得劲唔自在。
其次就系我哋头顶有一盏射灯，一开始坐都觉得冇乜嘢，但系坐得耐咗真系觉得热。加上一开始就食鸡煲，已经感觉到啲蒸气不断咁蒸上嚟，甚至系去到后尾打边炉都系觉得越嚟越热⋯连负责book 位嘅朋友都忍唔住出声话冬天食嘅话系的确好暖好舒服，夏天就真系热到顶唔顺⋯佢都食到一半就落咗大堂过冷河，吹返冻过人，之后先至继续一齐食⋯
坦白讲，个鸡煲嘅调味系好惹味嘅。一开始我哋去处理𠮶个鸡煲嘅女服务员态度有啲差，有啲晦气，不过都觉得情有可原，因为真系好热，成个场又好宅好多人，佢哋都好难可以保持住好好嘅态度。不过又客观啲讲，见到有好多其他嘅服务员，其实佢哋都系好多时都会唔该前唔该后，有啲重要搬住好多好重嘅嘢，真系都已经好辛苦佢哋。所以服务方面整体上都可以嘅。
至于啲嘢食，个鸡煲其实啲肉系唔多，都系偏多骨。每次打开个鸡煲去炒嘅时候，都觉得阵味好抢，好攻鼻😂另外值得一提嘅系，点解可以无限添加
我觉得最出色都系蒜蓉蒸帆立贝、虾、蛏子同鱼。真系啖啖肉！
至于火锅汤料，其实选择真系唔算多，质素都系不过不失。至于嘢饮同埋好材料都系要出去拎，而出面条路其实真系好窄，每次两个人都系要打侧个人咁样行。
不过无论几月都好，都一定要撑到最尾，要享用埋个雪燕先好走啊！终于有冷盘，真系好食嘅呢个🙂↔️甜度适中，唯一想encore哈哈
总括嚟讲呢度嘅环境真系唔太舒服，真系坐位都唔系好够都会撞到隔离，甚至系后面𠮶台嘅人，感觉非常之唔舒适。
见到佢张贴出嚟有张搬迁告示⋯经过呢次体验，我都觉得佢好有需要揾个好啲地方—以顾客嘅需要再好好考量吓啲摆位，令食客有个愉快啲嘅饮食体验。
张贴
