丸十あぶり牧場 (已結業)

今日收工去左旺角东 新世纪广场既 丸十あぶり牧场 食晚餐。 一入去侍应就好热情咁招呼我地去四人卡位进餐。餐厅坐位都好宽阔，环境有格调，坐得好舒适！我地就叫左4样小食，2样主食。首先上菜既系3串串烧第一个系和牛肉串 $48和牛既肉质好冧，而且肉味好浓，烧得刚刚好唔会太熟，而且和牛都唔洗$50串，真系抵食！第二个系日本黑豚肉 $30呢个系3串串烧中最好味既！唔单止好多肉汁，唔会太肥，烧到入口即溶既感觉，值得一试。第三个就系雪花牛舌 $38烧得恰到好处既牛舌，再加上黑椒同盐既调味料，令人想食多两串！唔洗好耐两个主食就到喇，第一个就系特上海鲜丼 $168入面既刺身都好豪华，有海胆，油甘鱼，吞拿鱼，大虾，三文鱼籽同帆立贝！材料绝对唔马虎，材料同饭比例刚刚好，唔会食哂刺身仲好多饭余低。第二个就系盐烧豚腩丼伴（玉子）$108上面几大块既豚腩烧得好好味！仲正过头先既日本黑豚肉，我地再加少少餐厅提供既烧汁，令到成个饭再得到升华！最后压轴出场就系牛肉他他米饼（2件）$58好味既主角果然系最后先出场架！新鲜既他他牛肉粒，配系脆卜卜既米饼上面，成个组合出乎意外咁夹，浓郁既肉味加埋香口既脆米，成个味出哂泥又唔流