Le Three (已結業)

以前听到朋友话观塘有间好有品味嘅餐厅 ，今日经过观塘，就同朋友一齐嚟试下 ，果然餐厅的设计系好特别，畀我去到一个欧洲城市希腊的感觉。在这地方去品尝我嘅晚餐，真系别有一番风味 ！这里主要食西餐，我同我朋友叫咗个套餐，首先青口薯蓉仔汤， 啲青口嘅味道好新鲜，同啲薯蓉好夹，非常好味。前菜系鲜果藜麦烟三文鱼沙律， 藜麦伴三文鱼好特别、好健康、都恰到好处。跟住呢一个香煎挪威鳕鱼柳忌廉汁蟹子意粉，份量都非常之多㖞，意粉好爽、忌廉汁配搭蟹子配搭都好好 ，如果鱼柳再煎香啲、再热啲、就更啱我口味。第二个套餐系火箭菜巴马 火腿薄饼，火箭菜好新鲜 ，配搭巴拿马火腿，薄饼好脆，真系几好味、几特别，真系一个唔错嘅选择。跟住喝杯咖啡，真系完美嘅句号。