M2 Cafe (已結業)

禽晚放工经过sogo后面，见到楼上有闪灯露台，就同朋友上去睇下，一入门口店员就问我食唔食烟，如果食就坐露台，我同个fd好开心，因为我两个都系烟民，自从禁烟后每次食饭都要谂去边度食，估唔到系闹市都有间环境唔错cafe可以食烟，之前去过几间楼上cafe都话俾食烟，但系应该唔合法，因为系室内，呢间就唔同，有个露台，可以合法食烟，又唔会影响其他唔食烟人，SO GOOD....讲番D食，我同个FD叫两个SET，味度都唔错，当然唔可以同大酒店比，但以楼上CAFE讲算唔错，特别一提系饮品，好多选择，我叫杯沙冰，好有果味，我个FD就饮茫果汁，味度唔错，听店员讲系用鲜果炸汁，所以味度唔错。去过呢次后我同我朋友都话一定会再去，因为呢度个露台环境唔错，价钱又唔系太贵，而且你坐几耐都冇所谓，唔会有店员白眼你，哈哈(因为本人试过系其他楼上CAFE因为坐得耐而发生唔开心)所以对呢间CAFE更有好感。