影片
更多
2020-06-16
521 浏览
呢日喺尖沙咀剪完头发后顺便喺度食埋晚饭，我哋拣选咗K11入面嘅「祥仔」，皆因朋友话好钟意食港式西餐嘅口味㖞🇭🇰。不过其实我都觉得唔错，特别系铁板餐𠮶种咋咋声。餐厅环境十分型格，外面望入去有啲似竹林，而且墙身放满打侧咗嘅立体方块，部份仲会发光添。另外，座位阔落，我哋坐得好舒服😌。除咗环境外，店员服务亦系相当出色，佢哋全部都好好礼貌，而且会主动关心客人需要。总之服务好，整个用餐体验都会大大提升👍。我哋要咗两份主菜、一份小食同一个甜品，全部卖相都唔错，份量正常。不过价钱方面，就可算称得上为贵价港式西餐呢！但间唔中食下都OK嘅👌。冬荫功鸡翼Tom Yum Goong Chicken Wings($78)，呢个写住系星级名厨系列，系由饮食达人余健志创作。🐔八只酥炸单骨鸡翼渗透住冬荫功香味，再配合青柠汁食非常惹味，留意番虽然系冬荫功，但唔辣的。鸡翼下面仲有好多沙律菜添。爵肉牛柳U.S. Beef Fillet with Pate ($178)，就咁睇个名唔知咩嚟🤔，但餐牌有介绍，呢道菜又名雀肉牛柳，即系用上鸭肝酱搽上牛柳表面，带出油香。呢个组合我真系第一次食！铁板牛柳必然为我哋带嚟视觉效果，店员为
呢日喺尖沙咀剪完头发后顺便喺度食埋晚饭，我哋拣选咗K11入面嘅「祥仔」，皆因朋友话好钟意食港式西餐嘅口味㖞🇭🇰。不过其实我都觉得唔错，特别系铁板餐𠮶种咋咋声。
餐厅环境十分型格，外面望入去有啲似竹林，而且墙身放满打侧咗嘅立体方块，部份仲会发光添。另外，座位阔落，我哋坐得好舒服😌。
除咗环境外，店员服务亦系相当出色，佢哋全部都好好礼貌，而且会主动关心客人需要。总之服务好，整个用餐体验都会大大提升👍。
我哋要咗两份主菜、一份小食同一个甜品，全部卖相都唔错，份量正常。不过价钱方面，就可算称得上为贵价港式西餐呢！但间唔中食下都OK嘅👌。
冬荫功鸡翼
$78
12 浏览
0 赞好
0 留言
爵肉牛柳U.S. Beef Fillet with Pate ($178)，就咁睇个名唔知咩嚟🤔，但餐牌有介绍，呢道菜又名雀肉牛柳，即系用上鸭肝酱搽上牛柳表面，带出油香。呢个组合我真系第一次食！
铁板牛柳必然为我哋带嚟视觉效果，店员为我哋淋上酱汁时烧到咋咋声，劲多烟！🥩牛柳比想像中薄身，不过都有两大件。肉质同肉味都OK，配上鸭肝酱食几特别。伴碟有唔少杂菜，当中包括粟米🌽同焗薯🥔，两样我都钟意食。
两日两夜罗宋汤
$58
5 浏览
0 赞好
0 留言
祥仔脆脆猪扒饭Ricky’s Crispy Pork Chop Rice($118)，我哋见呢个系招牌菜㖞，隔离枱又食紧，所以就一于试试。炸猪扒同茄酱饭系分开上的，两样造型都好吸引🤤。
脆脆猪扒果然好味，面包糠外皮炸得脆脆的，但唔会太干或炸㶶咗；而猪扒本身仲好正添🐷，肉身够厚，肉质又够淋身。至于茄酱饭个汁都唔错，唔会太酸，又有我最爱嘅蘑菇，但我略嫌饭粒软咗啲。
酥皮苹果挞Freshly Baked Apple Tart($58)，食完正餐就梗系要食甜品啦😚。依个苹果挞酥皮够脆，而特别之处就系采用咗吉士酱，所以整体比较甜，另外亦有唔少苹果果肉🍎。但如果加埋肉桂味应该会更正。
总括嚟讲，我好耐无食过港式西餐喇，呢晚系久违嘅味道！依餐饭我哋食得好开心，有机会我都想试埋祥仔嘅卡邦尼通粉。晚市价钱贵啲，不过呢度都有做午餐同下午茶餐，价格较便宜，如果经过不妨一试。
张贴
