影片
更多
2017-03-21
262 浏览
利申先，呢篇食评就无图片，咁你可以话无相我讲咩都得，信唔信由你。餐厅既食物卖相其实唔差，但系就.....话说上个礼拜一行四人，大概夜晚8点就系沙田新城市广场揾野食。有位朋友就话之前试过呢间餐厅，觉得唔错，所以就试一试。点知就......中伏。我地每人都叫左个set dinner，一个就叫左带子意大利饭，一个叫左墨鱼汁意大利饭，而另外两位就叫鲜虾带子意粉（龙虾汁）。前菜三个沙律一个汤。讲番服务先，其实侍应既态度都唔错，感觉上几和蔼可亲。沙律一上到，我当堂吓左跳。其实个沙律都丰富，有杂果，原片蕃茄，粟米同埋菜。之不过呢几样嘢个人认为就几mutually exclusive，分开做几款沙律仲实际，放埋一齐就有d喧宾夺主感觉，都唔知食边个。咁你又可以话百几蚊佢俾咁多料你仲投咩诉，我依家就系讲紧我宁愿要少d，都唔想放哂一齐。不过唔紧要，前菜始终系前菜，都只系整个套餐既1/4，适逢DSE，用番类比，啫系口试炒左，都仲有其他paper拉grade。而碗汤我问朋友就觉得无咩特别，都系平常一碗蘑菇忌廉汤。主菜上既时候，我都抱几大期望，始终朋友话上次唔错，而自己又对意大利饭情有独钟。点知朋友先食墨鱼汁意大
话说上个礼拜一行四人，大概夜晚8点就系沙田新城市广场揾野食。有位朋友就话之前试过呢间餐厅，觉得唔错，所以就试一试。点知就......中伏。
我地每人都叫左个set dinner，一个就叫左带子意大利饭，一个叫左墨鱼汁意大利饭，而另外两位就叫鲜虾带子意粉（龙虾汁）。前菜三个沙律一个汤。讲番服务先，其实侍应既态度都唔错，感觉上几和蔼可亲。
沙律一上到，我当堂吓左跳。其实个沙律都丰富，有杂果，原片蕃茄，粟米同埋菜。之不过呢几样嘢个人认为就几mutually exclusive，分开做几款沙律仲实际，放埋一齐就有d喧宾夺主感觉，都唔知食边个。咁你又可以话百几蚊佢俾咁多料你仲投咩诉，我依家就系讲紧我宁愿要少d，都唔想放哂一齐。不过唔紧要，前菜始终系前菜，都只系整个套餐既1/4，适逢DSE，用番类比，啫系口试炒左，都仲有其他paper拉grade。而碗汤我问朋友就觉得无咩特别，都系平常一碗蘑菇忌廉汤。
主菜上既时候，我都抱几大期望，始终朋友话上次唔错，而自己又对意大利饭情有独钟。点知朋友先食墨鱼汁意大利饭，第一个反应就系，吓，意大利饭系咁家咩？我不如就咁食饭？意思系点解可以咁干身。啫系部电话如果无得打电话send text，净系可以打机，咁仲系埋一部电话呢？我不如去买游戏机？不过我个份带子意大利饭，撇除意大利饭唔系太得之外，d带子煎得几入味，卖相几好。相反，意粉方面，声称系龙虾汁既汤底好淡，完全无龙虾味，所以味道上都比较单调。总体，虽然价钱唔系太贵，但系性价比都几低。
到甜品同饮品，其实最唔满意就系呢两样嘢。先讲甜品，系雪糕同两块水蜜桃。未到之前，我地就听到隔唻张台既食客同侍应投诉d雪糕，虽然我地听唔到投诉d咩，但系觉得雪糕点都唔会差得去边。点知到既时候，我地一闻已经有d不敢恭维。唔知点解，d雪糕闻落去，有d臭味。而无论食水蜜桃同雪糕都有d奇怪味道，其实选择最便宜既雀巢雪糕都唔应该系咁既味道，我朋友甚至觉得味道就好似细细个玩个d黏土，所以到最后我地四个都放弃，唔食个雪糕。饮品方面更加离谱，我地食主菜既时候已经叫左杯嘢饮，但系食完甜品，等到个雪糕融埋，杯嘢饮仲系未到。我地甚至吹左侍应两次，但系都系好耐先到，其实成餐饭起菜好快，唯独杯嘢饮迟迟都唔上。更大问题系有张台，系我地食主菜既时候入，但系反而佢地嘢饮早过我地，仲要大家都系叫冻柠茶。当你认为呢餐饭既恶梦完结，其实未。呢间餐厅既柠茶，用既茶叶有d唔同，因为我饮落去，第一个感觉觉得似英式早茶，之不过好苦，真系好苦。我朋友就第一个反应系觉得d茶叶应该浸左好耐，好难入口，所以到最后大家又放弃左。
成个用餐经历都几差，今次系第一次写食评，就系因为觉得间餐厅真系令人失望，所以想提醒大家三思。
张贴