影片
更多
2022-02-21
1229 浏览
The Chop House美丽华一期3楼，有室内同室外座位，但因为个日天气冻同大风都系简左坐入面，入面比较暗黄调，枱与枱之间阔落，坐得舒服。因为禁左晚市，所以唯有BOOK中午庆祝男友生日，但1点钟都唔FULL。叫左店员安排左近窗边位置，影相有自然光都会靓啲。因为男友唔食牛，所以叫左一个午市套餐加单叫左个猪鞍扒share。Set Lunch $228★★★★★午市套餐都几多野，二百几蚊加一有齐沙律、汤、一个主食、一个甜品，相对上较单叫更加抵食。Grilled Prawn Salad★★★★☆沙律份量足，两个人都OK，有沙律菜、青瓜、车厘茄、芫荽，沙律菜够新鲜爽脆。沙律酱汁比较上走泰式风味，酱汁有薄荷、香草、花生碎、青柠，整体系清新带D酸味，虾有4旧，新鲜爽口，食落带焦香味。Daily Soup Mushroom and Cream ★★★★★虽然系SET但个汤唔会话好HEA，好香浓嘅蘑菇味道，饮落带好细嘅蘑菇粒，有口感。唔算大碗个汤，饮哂都唔会觉得好腻。重点系个汤够热，因为汤一冻真系马上减分。Spring Chicken★★★★☆本来都怕个烧春鸡好鞋好干身，但出奇地好食同嫩。烧春鸡正常
The Chop House美丽华一期3楼，有室内同室外座位，但因为个日天气冻同大风都系简左坐入面，入面比较暗黄调，枱与枱之间阔落，坐得舒服。因为禁左晚市，所以唯有BOOK中午庆祝男友生日，但1点钟都唔FULL。叫左店员安排左近窗边位置，影相有自然光都会靓啲。因为男友唔食牛，所以叫左一个午市套餐加单叫左个猪鞍扒share。
Set Lunch $228★★★★★
午市套餐都几多野，二百几蚊加一有齐沙律、汤、一个主食、一个甜品，相对上较单叫更加抵食。
Grilled Prawn Salad
19 浏览
0 赞好
0 留言
Prawn Salad
31 浏览
0 赞好
0 留言
★★★★☆
沙律份量足，两个人都OK，有沙律菜、青瓜、车厘茄、芫荽，沙律菜够新鲜爽脆。沙律酱汁比较上走泰式风味，酱汁有薄荷、香草、花生碎、青柠，整体系清新带D酸味，虾有4旧，新鲜爽口，食落带焦香味。
Mushroom and Cream Soup
28 浏览
0 赞好
0 留言
★★★★★
虽然系SET但个汤唔会话好HEA，好香浓嘅蘑菇味道，饮落带好细嘅蘑菇粒，有口感。唔算大碗个汤，饮哂都唔会觉得好腻。重点系个汤够热，因为汤一冻真系马上减分。
Spring Chicken
55 浏览
0 赞好
0 留言
Spring Chicken
21 浏览
0 赞好
0 留言
★★★★☆
本来都怕个烧春鸡好鞋好干身，但出奇地好食同嫩。烧春鸡正常SIZE，外边都烤得几平均，金黄带D焦，切同食落都几JUICY，唔会干争争同鞋口。只鸡应该已一早腌左，所以食落带有咸味，唔点酱汁都冇问题。烧春鸡入面放左D洋葱、西芹、香料、香草、甘荀，都令到只鸡Ｄ肉更加之有味道。个红酒酱汁个人认为唔算同个鸡太夹，可能配牛或者猪会好D，但都香红酒味，酸酸地。配菜西兰花、甘荀同埋薯条。但我事后睇落MENU系写烤薯仔，但落单时店员都冇讲到转薯条。
Fudge Cake
14 浏览
0 赞好
0 留言
Fudge Cake
33 浏览
0 赞好
0 留言
★★★☆☆
本身BOOK位已经一早讲左写生日字句落甜品到，而佢可以系SET甜品上写字，唔需要额外叫多一个甜品，餐厅都好有心换左只靓Ｄ嘅碟写字。顺带一提生日佢地会帮你影张即影即有俾你做个纪念，送甜品时待应都会唱首生日歌。食落好浓郁嘅朱古力蛋糕，食落湿润，仲有少少流心朱古力，有D Brownie Feel。但有D过甜对我黎讲，食几啖就开始漏。
Berkshire Pork Chop
8 浏览
0 赞好
0 留言
Berkshire Pork Chop
$328
19 浏览
0 赞好
0 留言
★★★★☆
其实主要黎呢间餐厅都系想食佢呢个黑毛猪扒，价钱唔算便，但黎到见个份量都大同埋厚身，厚切猪鞍扒都烧到微焦表面，猪扒外面都几带深啡色，明显系加左腌料再煎。轻轻切开都唔会话太干身，但我觉得有少少熟左D，虽然佢食落都唔会有过ＵＮ情况，有肉汁。食落几甜，似系Pork rib平时个酱汁但又带D中式酱嘅感觉，但佢再甜啲，似加左蜜糖之类，个人觉得过甜，同埋有D抢左个猪本身味道。呢块猪应该系靓，望落个肉同油脂分布都系一层层，有点哂左。但整体食落系有水准，即使咁厚身都冇话太老、太生，但可能本身对佢预期再高啲，少些微失望！另外配菜薯条好食脆口新鲜炸；小萝卜、青苹果、火箭菜沙律个酱汁都系带甜加橄榄油，如果加埋Ｄ松子仁增加咬口会更好。
Aussie Punch $75
★★★★☆
热情果、芒果、新鲜薄荷梳打，味道有啲似杂果宾治，但热情果味好出，好饮好多。酸酸甜甜，唔觉唔觉等野食期间已经饮左半杯。
Kurant Dream$75
★★☆☆☆
有苹果汁、青檬、柠檬水同埋Cranberry，饮落有少少利宾立味道，带啲药水味道，唔太喜欢。
🌟总括：环境装潢气氛都好适合庆祝生日、纪念日，虽然睇食评好多都话服务唔好，但今次又唔觉！因为对某D食物敏感，查问餐牌食物成分佢地都好有耐性解答，又问厨师，帮我地酱汁另上等。而且个SET LUNCH真系性价比好高，包咁多野食，仲要食物水准唔差几好。整体上成餐饭质素几好，下次都会再返黎食。
张贴
