鶴崎居酒屋 (已結業)

呢间居酒屋，虽然地方距离地铁站有少少远，但系环境唔错够阔落同静，真系坐得好舒服，最重要系嘢食真系唔错。✨豚肉锅：块豚肉真系好好味，边位带点肥膏食落好香又唔鞋，点埋胡麻酱更加正。配菜吸收晒汤底既味，再追加左碗白饭够晒饱。✨鸡翼：烧得好香外皮微微脆，d 肉一啲都唔干仲keep 到有肉汁。✨三文鱼腩：食落好肥美嫩滑，不过落盐重手左，好彩有碗白饭可以送口✨京葱鸡肉稻庭乌冬：个汤望落好清但清得黎又好够味，乌冬超滑超弹牙，而且索晒汤底嘅味。油扬加上京葱真系好鬼香，鸡肉份量都几多。呢碗乌冬虽然看似简单，但唔知点解我真系几钟意。✨烧广岛蚝： 蒜蓉够香够晒多，只蚝好鲜甜又嫩滑，真系好好味。