吃茶三千 (上海街)

营业中

休息中

最近响旺角呢头睇装修材料店，见到呢一间店嘅户外小花园好靓，有啲bar枱嘅餐饮区，向着街外，感觉好chill，好似好正。上网一揾，原来系一间台式饮品店，今次又路过呢头，就心郁郁想试吓，点左一杯国王珍珠奶茶$30，其实其他饮品都好想试吓，但系饮唔落咁多杯，唯有下次再试啦。佢仲有水果茶、奶盖、黑糖鲜奶等等嘅饮品。等咗十几分钟，店员会逐杯咁用机榨茶，冲调，攞完第一时间就系行出去对住街外嘅bar枱。当日系闲日，条横街唔太多人，好写意，感觉真系有少少似去咗旅行咁。杯奶茶有一个小手挽，系用麻绳编织嘅，仲有一个杯套，都几精美㗎！味道就正正常常，嗌咗少甜少冰，够奶味又够茶味，珍珠粒粒分明，有咬口，有正常嘅台式饮品水准。