芳華絕代 (已結業)

每次经过芳华绝代，总见人头涌涌😳。早排的起心肝订位，终于有机会一试😎。研究餐牌，发现一人套餐比二人套餐抵食，于是就叫咗两个一人餐。首先上枱嘅系小食拼盘（呢度系半份，另一半已秒速被人干掉😆），有虾饼，鸡卷丸，素菜春卷同鸡翼，全部都炸得香脆热辣辣，个人较喜欢虾饼同鸡卷肉，颇惹味😋，鸡翼就略嫌干咗少少。主菜拣咗去骨海南鸡配香油饭，鸡肉颇为嫩滑，油饭充满鸡汤香味，唔错。另一个餐系泰式鲜虾炒金边粉，虾嘅份量出奇地多😮，亦够鲜味，不过金边粉嘅味道同平时食开嘅有啲唔同，甜酸味较弱，并唔系我最喜欢嘅味道。值得一提系洒喺碟边嘅干辣椒非常辣😵，如果唔系好食得辣，千祈唔好将佢捞匀。最后加钱食埋甜品，椰汁芋头西米糕味道正常，椰青大菜糕入面嘅椰青丝有咬口，几好食。总结而言，呢度嘅食物水准正常，但价钱略嫌偏贵，不过由于环境靓，如果钟意打卡位嘅，都系唔错嘅选择。