FRITES Belgium on Tap (曦巒) (已搬遷) 新店位置

星期五晚揾野食，经过门口比佢吸引住，门口望唔到餐厅入边嘅环境，但睇落有种高级，神秘嘅气息。一入到去果然冇令我失望，餐厅嘅环境好靓，楼底好高。餐厅好full，咁啱有人埋单，我哋等左一阵就入得，如果人多建议要先book。首先黎既系洋葱汤，入面有块铺满芝士嘅蒜蓉包，闻落去好香。但个人觉得洋葱汤偏咸，唔系几啱我，但个蒜蓉包绝对有加分。之后叫咗个炸芝士配薯仔沙律，叫之前以为芝士系好热𠮶种，点知原来系唔热嘅，唔使担心太热要慢慢食。炸芝士好好味，好滑唔腻。薯仔沙律都好味嘅，不过唔算好突出。最后叫咗个啤酒慢煮牛肉配薯蓉，份量都几多下。牛肉好嫩，煮得好林，个汁都唔错，但觉得个价钱偏高，性价比麻麻。而个薯蓉我就几钟意啦，有Wasabi味，几特别。总括来讲，食物方面冇太大惊喜，但系个环境气氛好舒服。