8Five2 Restobar

营业中

休息中

今日放假唔使返工，晏昼约埋朋友一齐去8five2食墨西哥菜。呢度系酒吧连餐厅，地方够哂大，outdoor位置有瓦遮头，落雨都唔怕，约埋三五知己嚟chill吓，饮杯嘢倾吓偈happy hour认真一流。我同朋友连早餐都未食，所以首先叫咗个鸡肉墨西哥脆玉米片开开个胃。Nachos有两种唔同颜色既粟米片，仲有墨西哥辣椒🌶️，舖上Buffalo 鸡丝同芝士酱，再配酸忌廉同牛油果酱，酸酸辣辣咁够晒醒胃。鸡肉份量相当多，足以令我哋每一片玉米片都可以搭配鸡丝。芝士菠菜墨西哥酥饼总共有四大件，同样配咗酸忌廉同牛油果，仲有用新鲜蕃茄制成嘅蕃茄酱。入面除咗有芝士同菠菜之外，原来仲有墨西哥菜经常出现既仙人掌🌵，口感同味道又多咗一个层次。我就钟意佢入面有满满嘅菠菜，感觉冇咁浓味同油腻。旁边嘅配菜颜色鲜艳，味道亦唔错。西班牙海鲜饭加入咗墨西哥风味之后味道变得更浓更香，酸酸地既墨西哥汁，配上几款唔同嘅海鲜，清新醒胃。最后食埋咸焦糖芝士蛋糕做甜品，蛋糕上面加上食用花，令卖相更吸引，旁边嘅蓝莓同红桑莓就能中和返芝士饼嘅甜腻。