小南國 (已結業)

因为想食上海野，所以见到有小南国就上咗去等位～上到去见到环境几好～暗暗地，重有得望海～如果有烟花睇真系一流～食亲上海野我都例牌会叫糖醋小排骨～佢地既糖醋骨甜味较重～肉质比较淋，只要轻轻一夹，肉同骨就会分开～而且好入味～小笼包～皮薄馅靓～入面充满肉汁～虽然好油，但好香～由于皮太薄，所以要好小心甘夹起～唔系就会流晒啲肉汁～蟹粉豆腐～清淡既豆腐捞满蟹粉～食到好香既蟹膏味～豆腐亦够滑～好好食～～重有菜胆云呑鸡～味道较清淡～汤底唔会太油～味道鲜甜～份量算多～2个人饮唔晒～尖咀店比其他分店环境优胜好多～值得一去～