影片
更多
2011-04-09
11 浏览
知道屋企附近开了这餐厅,便和家人来试菜!驶车来都算易找,路牌指示清晰,泊车地方都大,对驾车人士食晚饭好方便,不愁食饭找车位泊!餐厅外观好靓,气氛情调好,户外座位仲有小烛光衬托,几岩情侣来食下饭谈下心~设有吸烟区和非吸烟区,也户外同户内,户外可带同爱犬一齐进餐,几细心照顾食客,其中有一枱食客就系带左只小狗黎一齐食喇~可能时间仲早,得2枱客,得坐耐左,都开始多人,而且大部分是驾车来的!餐牌选择唔多,得几页典型既扒类,咖喱,焗饭/意,甜品几款,多是芝士蛋糕,另多仲有一张餐牌系串烧,但都系得几款,猪牛鸡羊,多春鱼,秋刀鱼,虾,带子系咁多!!!惠顾晚餐仲可加$15食原价$25既芝士蛋糕!食主菜前试了3个小食即烧都唔热,死未!!!!)串烧鸡 -- 细串到一串鸡软骨都大过佢呀!而肉质0鞋!唔得~仲要成$10串,过份左d㖞!!! 串烧新疆羊 -- 比串烧鸡大串少少,但完全食唔出有新疆腌料味道!羊仲要贵,要$15!烧多春鱼 -- 普通货式,但$20有6条,算系咁啦~3个餐:咖喱石斑配饭,另加左$10有埋薄饼(2块)咖喱味ok,不过唔多汁唔够点薄饼同捞饭,石斑几滑,有少少鱼骨,饭份量一般,薄饼偏油炭烧西冷
驶车来都算易找,路牌指示清晰,泊车地方都大,对驾车人士食晚饭好方便,不愁食饭找车位泊!
餐厅外观好靓,气氛情调好,户外座位仲有小烛光衬托,几岩情侣来食下饭谈下心~
设有吸烟区和非吸烟区,也户外同户内,户外可带同爱犬一齐进餐,几细心照顾食客,
其中有一枱食客就系带左只小狗黎一齐食喇~
可能时间仲早,得2枱客,得坐耐左,都开始多人,而且大部分是驾车来的!
餐牌选择唔多,得几页典型既扒类,咖喱,焗饭/意,甜品几款,多是芝士蛋糕,
另多仲有一张餐牌系串烧,但都系得几款,猪牛鸡羊,多春鱼,秋刀鱼,虾,带子系咁多!!!
惠顾晚餐仲可加$15食原价$25既芝士蛋糕!
食主菜前试了3个小食即烧都唔热,死未!!!!)
串烧鸡 -- 细串到一串鸡软骨都大过佢呀!而肉质0鞋!唔得~仲要成$10串,过份左d㖞!!!
串烧新疆羊 -- 比串烧鸡大串少少,但完全食唔出有新疆腌料味道!羊仲要贵,要$15!
烧多春鱼 -- 普通货式,但$20有6条,算系咁啦~
3个餐:
咖喱石斑配饭,另加左$10有埋薄饼(2块)
咖喱味ok,不过唔多汁唔够点薄饼同捞饭,石斑几滑,有少少鱼骨,饭份量一般,薄饼偏油
炭烧西冷扒配意粉(黑椒汁)
好大块但薄,味道唔错,烧得刚好,黑椒汁辣度刚好,咸左少少!
厚切猪扒拼带子配薯菜
不是厚切,似是把厚切片开为2块上!带子超细粒,同个$5一样!薯菜份量少,一个小小焗薯+少许配菜!
我们还+$10试了酥皮汤,但只有忌廉汤同罗宋汤2款!
忌廉汤完全冇落盐一样,淡如水!罗宋汤还可以~
酥皮细得可怜,只是刚好包住碗边,睇落好小家咁!
蒜蓉包几脆,但唔热啰~
唯一可取系冻饮唔驶另加钱,但3杯饮品都系偏甜!!
最后各+$15试埋佢既芝士蛋糕,仲令人失望.......细件不得止,仲要系超硬!!
朱古力云石芝士蛋糕 --- 完全见唔到有云石花,饼底系蛋糕底,攞匙(更)食一压,上重下轻既情况下,成个扁哂!好少芝士味,似系食紧旧好冻既朱古力!
提拉米苏 -- 呢个软d,因为本身款蛋糕系咁既,所以软系正常既,但酒味好重,我唔多钟意!都系唔合格!
食甜呢到有一段笑料,就系一上甜品,侍应就俾匙(更)我地食,但奈何佢地蛋糕太硬喇~同埋食蛋糕点会唔系俾叉人食架?!
之后要求佢地转叉,竟然俾既系胶叉,,佢地真系太睇少自己出品既蛋糕喇,一吉就断啦~唉~~~~~~
服务最有待改善,得3个人,落单都唔系好识,每次讲完,都返黎问,
又成日唔见人~又唔收食完既碗碟!游魂咁!
埋单同带位就最快~
最搞笑系连烧串烧既厨都要自己上菜比客人,带住口罩同帽经过......
真系食一次就哂数喇~~~~
张贴