影片
更多
2023-12-15
14 浏览
2023年11月27日 星期一今日收工之后约埋老婆喺观塘等，一齐去行街买嘢，跟住发现裕民坊已经重建咗好耐，但系一直都冇机会行吓，所以行完之后顺便喺𠮶度食埋饭先走呢间餐厅就系坐落于裕民坊3楼，由门口睇落去已经觉得几有气氛，而且装修得好有格调餐牌有提供二人套餐或者散叫，套餐有齐前菜、主菜、汤同饮品，价钱都唔算太贵，由于唔想花时间选择，所以就要咗一个二人套餐，再另外加配甜品点完餐等咗冇几耐，餐汤就送到，系忌廉粟米汤，每一啖都食到粟米蓉，热辣辣几甜，而且个汤几浓郁，食完成个身暖晒之后有前菜意大利风干火腿拼盘，里面分别有24个月既巴马火腿、莎乐美肠、寇帕火腿同新鲜提子，火腿同莎乐美肠够晒咸香，配埋提子一齐食，甜度同咸度平衡得啱啱好之后有我哋另外点嘅小食，炸鱿鱼圈配他他酱，一咬落去就脆卜卜，炸浆好薄而里面既鱿鱼圈肉质好厚身，但一啲都唔韧呢个系白鳀鱼茄子蓉多士，之前从来未试过食白鳀鱼，估唔到咸咸地几开胃，而且同茄子几夹，加埋多士一齐食落去脆卜卜终于到主菜登场，先黎有慢煮牛面颊番红花意大利饭，上面仲有巴马臣芝士添，所以味道好足够，牛面颊煮得好腍，唔需要太用力都可以切开，肉味好香浓，至于意大利饭就煮得好
今日收工之后约埋老婆喺观塘等，一齐去行街买嘢，跟住发现裕民坊已经重建咗好耐，但系一直都冇机会行吓，所以行完之后顺便喺𠮶度食埋饭先走
呢间餐厅就系坐落于裕民坊3楼，由门口睇落去已经觉得几有气氛，而且装修得好有格调
餐牌有提供二人套餐或者散叫，套餐有齐前菜、主菜、汤同饮品，价钱都唔算太贵，由于唔想花时间选择，所以就要咗一个二人套餐，再另外加配甜品
点完餐等咗冇几耐，餐汤就送到，系忌廉粟米汤，每一啖都食到粟米蓉，热辣辣几甜，而且个汤几浓郁，食完成个身暖晒
之后有前菜意大利风干火腿拼盘，里面分别有
24个月既巴马火腿、莎乐美肠、寇帕火腿同新鲜提子，火腿同莎乐美肠够晒咸香，配埋提子一齐食，甜度同咸度平衡得啱啱好
之后有我哋另外点嘅小食，炸鱿鱼圈配他他酱，一咬落去就脆卜卜，炸浆好薄而里面既鱿鱼圈肉质好厚身，但一啲都唔韧
呢个系白鳀鱼茄子蓉多士，之前从来未试过食白鳀鱼，估唔到咸咸地几开胃，而且同茄子几夹，加埋多士一齐食落去脆卜卜
终于到主菜登场，先黎有慢煮牛面颊番红花意大利饭，上面仲有巴马臣芝士添，所以味道好足够，牛面颊煮得好腍，唔需要太用力都可以切开，肉味好香浓，至于意大利饭就煮得好烟靭，食落去唔会觉得好硬
另一个主菜就系新鲜波士顿龙虾意粉，配以蕃茄同罗勒，意粉煮得好弹牙，每一啖都食到蕃茄同罗勒嘅香味，而龙虾虽然只有半只，不过龙虾肉都有唔少，同样地煮得啱啱好，唔会好韧
最后甜品方面我哋分别要左奶冻配百香果酱同提拉米苏，奶冻口感好幼滑，配埋百香果酱一齐食酸酸地可以消滞，而提拉米苏就有好浓郁既咖啡香味，酒味唔算太出，唔饮酒既人都食到
最后埋单每人$300左右，性价比唔错！！
张贴
