八號餐廳

营业中

休息中

一入门口，已经见到个自助饮品吧~真系好欣赏餐厅会大大方方咁为食客带来既贴心，而旁边仲放咗个杂志架，彷佛老板同您讲咗一句：「欢迎您慢慢坐，睇住杂志饮吓嘢放松吓喇~」呢吓真心就真系打动到人嘅~唔似得啲连锁食肆，完全感觉到佢地系想您食完快d走，唔好阻住张枱做生意，极度商业化。入座后，第一时间睇吓有咩好食，令我眼前一亮既系佢既健康简便套餐，对于晚上喜欢轻食既女士们真系烦少好多!equal代糖都有，的确为有需要既人士准备好呀吓~抵赞!餐具摆得整整齐齐，干干净净咁~留意吓个篮，其实系胶嚟架!比起传统既藤篮卫生好多，而且个包包有烘过，外脆内软哩!饮品既糖同奶自己落，要几多，自己话事!西柚汁，细细地一杯，都够饮嘅~卡邦尼意粉，用料，份量同味道都不俗~焗芝士肉酱意粉，大家唔好以为佢落漏咗芝士，其实系我叫佢走既，第一次上枱竟然比咗个有芝士既我，同侍应讲返，佢都好客气同乐意咁帮我换返。