Season Plus (已結業)

嚟到呢间喺上环西街嘅手蚝吧season plus梗系要食蚝，佢哋做紧优惠买任何一枝红白酒都可以用优惠价50蚊品尝到一打精选生蚝又式者半打美国中码生蚝。我哋呢次就叫左枝由热情侍应所推介嘅花香味浓嚟自南非嘅Rhanleigh Sauviguon Blanc 。生蚝新鲜，海水味好重，肉质饱满，而一路饮住酒食，味道会截然不同，而呢只白酒味道香甜，较易入口，用嚟配海鲜就最适合，更能突出其鲜味。烟三文鱼沙律：清新清爽嘅沙律菜同软稔口感嘅烟三文鱼，配合埋酸甜适中嘅黑醋沙律汁，呢个配搭好啱依家开始闷热嘅天气食。芝士牛油焗日本元贝：元贝size大只，肉厚饱满，用芝士牛油焗就最啱。白酒煮马尼拉蚬：马尼拉蚬蚬身较细，但胜在更鲜更甜，加埋用白酒煮更能突出其鲜甜味，仲添加左阵阵白酒嘅清香。三成熟嘅美国安格斯肉眼：用天然嘅牛油面层最清嘅油来煎，下香草以油浸式煎封，使油香渗入肉里，牛扒略带血色，外皮呈焦黄，切开后周围嫩粉，中间则呈亮红色，牛味浓郁，油香满溢，肉质稔滑，加埋伴碟嘅即炸薯角同埋黑醋沙律就完美。