影片
更多
2023-11-15
41 浏览
今日放假，想揾啲好嘢食，去咗荃湾海之恋嘅yadllie plate。入到餐厅，侍应安排咗我哋坐喺卡座。对住好大好高嘅大玻璃，望住出面绿油油景色，心情即刻放松左。我哋点咗以下嘅嘢食.生牛肉沙律：唔系每一间韩式食店都有生牛肉沙律嗌。难得呢度有梗系要嗌嚟食吓啦。沙律菜新鲜爽口，车厘茄皮薄多汁，酱汁味道有少少酸酸地，令人胃口大开。生牛肉色泽红润，加咗少少调味提升左牛肉味道嘅层次。火炙牛：有惊喜. 原来侍应会喺你面前将生嘅调过味嘅牛肉片用火枪烧下表面。牛肉片有少少焦香嘅味道。而牛肉经过火炙之后都令到牛油溶化。食落林滑易咬有油香。八爪鱼煎饼： 唔会好厚粉，边缘咬落去系脆脆的，八爪鱼都多。Yadllie原味炸鸡：一客有八件炸鸡，佢另外仲配咗炸番薯条。簿簿嘅炸份包裹住炸鸡，鸡皮炸得好脆但入面仲保持到肉汁，就算连鸡胸都系好juice. 原味炸鸡冇太多嘅调味，清清地唔会太腻。炸番薯条几清甜，份量都唔少。玫瑰牛肉炒年糕：芝士做到长拉丝嘅效果！年糕有两款，一款系薄片的，另一款系小圆柱体的。佢入边除咗牛肉之外，仲有好多唔同形状嘅韩式鱼蛋。都几得意。百香果水果茶：觉得自己嗌呢个嘢饮嗌得好好。百香果汁加埋柠檬同茶，
入到餐厅，侍应安排咗我哋坐喺卡座。对住好大好高嘅大玻璃，望住出面绿油油景色，心情即刻放松左。
我哋点咗以下嘅嘢食.
生牛肉沙律：唔系每一间韩式食店都有生牛肉沙律嗌。难得呢度有梗系要嗌嚟食吓啦。沙律菜新鲜爽口，车厘茄皮薄多汁，酱汁味道有少少酸酸地，令人胃口大开。生牛肉色泽红润，加咗少少调味提升左牛肉味道嘅层次。
火炙牛：有惊喜. 原来侍应会喺你面前将生嘅调过味嘅牛肉片用火枪烧下表面。牛肉片有少少焦香嘅味道。而牛肉经过火炙之后都令到牛油溶化。食落林滑易咬有油香。
八爪鱼煎饼： 唔会好厚粉，边缘咬落去系脆脆的，八爪鱼都多。
Yadllie原味炸鸡：一客有八件炸鸡，佢另外仲配咗炸番薯条。簿簿嘅炸份包裹住炸鸡，鸡皮炸得好脆但入面仲保持到肉汁，就算连鸡胸都系好juice. 原味炸鸡冇太多嘅调味，清清地唔会太腻。炸番薯条几清甜，份量都唔少。
玫瑰牛肉炒年糕：芝士做到长拉丝嘅效果！年糕有两款，一款系薄片的，另一款系小圆柱体的。佢入边除咗牛肉之外，仲有好多唔同形状嘅韩式鱼蛋。都几得意。
百香果水果茶：觉得自己嗌呢个嘢饮嗌得好好。百香果汁加埋柠檬同茶，酸酸地，好消滞。
蜜瓜雪冰：蜜瓜粒有大概10粒，蜜瓜新鲜。绵绵冰入口即溶，唔会太甜。佢仲有一支蜜瓜雪条喺入边，好滑，有浓浓既蜜瓜。
下次如果同朋友想揾间静静哋嘅韩国餐厅食饭，会再嚟呢度。
张贴
