影片
更多
2023-10-21
47 浏览
📌 Insanity - 黄竹坑黄竹坑道54号M Place地下2号舖🗓(21/10) 星期六 ⏰ 下午1点左右 💈特式：星期六都要返公司OT，所以要揾返间环境舒服嘅餐厅去食返个lunch，去平衡返一下个心情，同事就介绍左我去呢间西餐厅一试。🥩🍔🌭🌮🥗🥯🥘🍲🍝🍣🥟🍤🍱食物：餐厅假日都有做2人Special Combo set，个餐会包左餐汤或沙律，两款前菜及两款主菜，而家等我同大家讲下🍽味道先。是日厨师精选餐汤 - 我地就拣左餐汤，而今日个餐汤系椰菜花汤，个汤好多值得赞嘅地方。首先上枱时个汤够热，配埋两条蒜味好重亦好脆身嘅多士条，个汤饮落虽然椰菜花味唔算好浓，但入面仲有大量香料/洋葱粒同黑胡椒碎，好惹味可口。皇牌炸鸡翼 - 炸鸡翼系原只鸡全翼生炸，炸得好香脆唔油腻，上面再舖左少少香料，系好简单普通嘅做法，但出嚟效果好好食。传统咖喱角 - 咖喱角系印度最著名嘅小食之一，佢地咖喱角个皮做得好香酥，隐约仲有少少牛油香，入面都系传统嘅咖哩酱薯仔/鹰嘴豆/香料等等。卡邦尼意粉 - 个卡邦尼意粉望落已经好靓，面头有大量芝士碎，酱汁唔算多，但每条意粉都有被酱汁包裹住。另外，最值得一提系
🗓(21/10) 星期六 ⏰ 下午1点左右
💈特式：星期六都要返公司OT，所以要揾返间环境舒服嘅餐厅去食返个lunch，去平衡返一下个心情，同事就介绍左我去呢间西餐厅一试。
🥩🍔🌭🌮🥗🥯🥘🍲🍝🍣🥟🍤🍱
食物：餐厅假日都有做2人Special Combo set，个餐会包左餐汤或沙律，两款前菜及两款主菜，而家等我同大家讲下🍽味道先。
是日厨师精选餐汤 - 我地就拣左餐汤，而今日个餐汤系椰菜花汤，个汤好多值得赞嘅地方。首先上枱时个汤够热，配埋两条蒜味好重亦好脆身嘅多士条，个汤饮落虽然椰菜花味唔算好浓，但入面仲有大量香料/洋葱粒同黑胡椒碎，好惹味可口。
是日厨师精选餐汤
1 浏览
0 赞好
0 留言
皇牌炸鸡翼 - 炸鸡翼系原只鸡全翼生炸，炸得好香脆唔油腻，上面再舖左少少香料，系好简单普通嘅做法，但出嚟效果好好食。
传统咖喱角 - 咖喱角系印度最著名嘅小食之一，佢地咖喱角个皮做得好香酥，隐约仲有少少牛油香，入面都系传统嘅咖哩酱薯仔/鹰嘴豆/香料等等。
皇牌炸鸡翼/传统咖喱角
1 浏览
0 赞好
0 留言
卡邦尼意粉 - 个卡邦尼意粉望落已经好靓，面头有大量芝士碎，酱汁唔算多，但每条意粉都有被酱汁包裹住。另外，最值得一提系佢地个酱汁有好重酒味，系我食过嘅卡邦尼入面酒味最重嘅一个，不过我又几钟意佢地呢个做法，有种零舍不同嘅感觉。
卡邦尼意粉
1 浏览
0 赞好
0 留言
卡邦尼意粉
70 浏览
0 赞好
0 留言
咖喱鸡肉饭 - 佢地个咖哩系正宗印度式咖哩，味道唔会好辣，反而香料味偏重，饭底偏向硬身，适合配以咖哩食用。另外仲会配左块印度薄脆片，脆片十分脆口，而且本身已经有调味，可以就咁食或者沾咖哩食都得。
咖喱鸡肉饭
0 浏览
0 赞好
0 留言
☕️🍵🥤🧋🍺🍷🥃🍹🧉🍾🍶🥛
饮品 : 因为餐厅系类似酒吧布局，所以有不少酒类选择，例如红白酒/汽酒/啤酒/鸡尾酒等等，但因为食lunch所以就无叫酒，只系普通叫左热咖啡同冻柠檬茶。
2 浏览
0 赞好
0 留言
🍽环境：环境就相当舒服，餐厅有张长型吧枱，另外仲有一排梳化卡位，无论气氛/环境等都比人感觉好舒适，而且环境清幽，可以Chill到一个lunch时间。
🤵🏻🤵🏻♀️🤵🏻♂️服务：店员服务态度好好，主力都系用英文沟通，虽然见佢都好忙一脚踢，但服务态度都keep到好高水准。
💰💸价钱：个Combo Set$系
3️⃣2️⃣8️⃣再加一，价钱都唔算好贵，食物亦质素好，仲要比到咁舒适嘅用餐环境，都物有所值。
🐲💬总结：我觉得除左地理位置外，呢餐饭都冇挑剔嘅地方，因为本身好少去黄竹坑，但餐厅离地铁站都算近，如果去开呢头嘅朋友都推荐一试。
推荐指数：❤️❤️❤️❤️❣️
张贴
