本延鍋物

营业中

休息中

打边炉最钟意就系食寿喜烧汤底，尤其是系有日本生鸡蛋可以沾嘅呢种正宗嘅日本寿喜烧。呢度除咗有散叫之外，都已经有几款reset好嘅套餐。套餐全部都包咗前菜（柚子蟹柳沙律） ，野菜拼盘同埋白饭。帮我打边炉比较钟意食乌冬，所以将白饭改成做乌冬。首先第一款牛嗌咗极上A4黑毛和牛，呢款牛有好重嘅牛奶味，食落去软滑而且奶香味重，加埋蛋食一流！另一款就嗌咗更加高级嘅A5黑毛和牛肉眼，呢款牛一睇落就知个花纹好靓，就算自己系超级市场买应该都唔平，呢款嘅牛牛香味好重，食落去超级满足。配埋嘅椰菜拼盘材料都好多，将所有菜同埋菇放落汤煮之后超级好味。另一个主角一定系乌冬，将乌冬略略煮1分钟之后，再加啲汤底一齐食，超级正！整体而言，呢度嘅环境舒适，而且服务都好好，好适合打个边炉，聚会倾偈。