泰聚 (已結業)

因朋友生日，而一行4人去呢到食饭庆祝，没有Book位，walk in 时大约7:10pm。职员话要8:30pm交枱，只有个半钟用餐时间。我地前后叫左7款食物1个汤3杯饮品，我地先叫左~冬阴公(大)好咸(饮左少少无饮)，柚子沙律尚可，炸虾饼几好食，串烧唔够热，炒芥兰偏咸，虾刺身尚算爽口，虾酱炒饭一般。之后再order左咖哩炒软壳蟹(卖相完全唔似咖哩，食落更完全无咖哩味，加上佢地用三色杂豆mix埋。朋友问系咩，个男职员仲要话开店咁耐佢地厨师都系咁整，唔觉有咩问题。本人同朋友食咁多次咖哩都未见过会用杂豆mix)之后order3杯饮品，一位朋友要柠檬梳打，本人同另一位朋友要"椰汁三色珍多冰"，个男职员大大声话个餐牌错无呢种饮品，佢话得三色/珍多，朋友问有咩分别，个男职员大大声问隔离执紧枱个阿姐，之后佢仲悔气问我地要边只，我地识分唔洗问啦！间餐厅明知个餐牌错，都唔去修改，仲要咁既服务态度，朋友异口同声唔会再帮衬呢间"泰聚"。