影片
更多
2019-11-21
2117 浏览
对上一次帮衬已经系三年前，三年后嘅今日食物环境质素依然维持高水准！今次我哋拣嘅系$788一位嘅私房菜式menu。头盘-梓桐花园拼盘呢个拼盘𩠌上嚟嘅时候真系好靓，有啲加咗水嘅干冰所以成件事系好似艺术品咁，有啲白色嘅烟飘喺面食物就若隐若现咁出现系你眼前，好吸睛正影相打卡一流😝🙌🏻 可惜我影相慢咗，啲烟已经冇乜啦🙈顺时针方向右上角起：1. 金箔醉鲍鱼呢一样系头盘五样嘢里边我最钟意嘅一样，佢用咗好香醇嘅花雕酒浸鲍鱼，鲍鱼非常入味，而且一啲都唔老肉质非常鲜嫩，再加埋块靓靓嘅金泊喺面真系好抢眼😍2.法国鹅肝脆豆腐鹅肝煎得好香外脆内软，炸豆腐不过不失好滑有豆香味，两者加埋一齐嘅配搭好夹👍🏻3. 石榴丝蚌片爽脆鲜甜嘅石榴丝捞埋弹牙嘅蚌片，再淋上好香嘅自制麻酱，非常开胃呀！😊4. 酥炸海虾酸牛油果酱一咬落去就知道海虾系新鲜嘅海虾!不过略嫌炸粉厚左少少，如果可以好似天妇罗𠮶只炸粉口感会更加松化。牛油果酱都系自家制，几唔错😜5. 火焰烧带子沙律杯虽然呢样摆喺中间，但系我觉得反而系最普通嘅。一件新鲜嘅带子刺身上边加咗少少海胆再火炙烧一烧，而系个底嘅就系沙律菜加咗啲果醋，成件事感觉几清新🤩食完头盘就到炖汤了-
头盘-梓桐花园拼盘
呢个拼盘𩠌上嚟嘅时候真系好靓，有啲加咗水嘅干冰所以成件事系好似艺术品咁，有啲白色嘅烟飘喺面食物就若隐若现咁出现系你眼前，好吸睛正影相打卡一流😝🙌🏻 可惜我影相慢咗，啲烟已经冇乜啦🙈
顺时针方向右上角起：
1. 金箔醉鲍鱼
呢一样系头盘五样嘢里边我最钟意嘅一样，佢用咗好香醇嘅花雕酒浸鲍鱼，鲍鱼非常入味，而且一啲都唔老肉质非常鲜嫩，再加埋块靓靓嘅金泊喺面真系好抢眼😍
2.法国鹅肝脆豆腐
鹅肝煎得好香外脆内软，炸豆腐不过不失好滑有豆香味，两者加埋一齐嘅配搭好夹👍🏻
3. 石榴丝蚌片
爽脆鲜甜嘅石榴丝捞埋弹牙嘅蚌片，再淋上好香嘅自制麻酱，非常开胃呀！😊
4. 酥炸海虾酸牛油果酱
一咬落去就知道海虾系新鲜嘅海虾!不过略嫌炸粉厚左少少，如果可以好似天妇罗𠮶只炸粉口感会更加松化。牛油果酱都系自家制，几唔错😜
5. 火焰烧带子沙律杯
虽然呢样摆喺中间，但系我觉得反而系最普通嘅。一件新鲜嘅带子刺身上边加咗少少海胆再火炙烧一烧，而系个底嘅就系沙律菜加咗啲果醋，成件事感觉几清新🤩
食完头盘就到炖汤了- 杏汁花胶炖三宝 🍲
一睇就知呢个汤非常足料，佢所指嘅三宝就系元贝、金华火腿、冬菇。除此之外仲有鸡同埋花胶。个汤好鲜甜好香，汤料嘅精华煲晒出嚟，而且佢嘅杏汁亦都系非常之多好好味。食完头盘，饮完碗汤已经饱咗七成😝🙈
之后终于到主菜啦！
首先嚟嘅系 - 黑松露木瓜炒龙虾🦐（半只）
要赞嘅系龙虾系新鲜嘅波士顿龙虾，原只起晒啲肉出嚟切开再用黑松露酱炒，平时食龙虾都系上汤或者芝士焗，今次可以话系新尝试，黑松露嘅香味会盖过龙虾本身嘅鲜味，成个配搭升华晒，由于只龙虾用料上盛，个虾头亦都系爆晒膏嘅👍🏻
之后嚟嘅系 - 蒜子蒸石斑🐟
我会话呢道菜其实系炒石斑，比较特别嘅系佢用咗黑蒜，大家都知黑蒜系功效好高嘅一种食物钟意食嘅人会好钟意，我自己就一般啦😛🙈食到第二个主菜其实已经好饱😂
第三同第四道菜系一齐上嘅 -
姜汁扒菜苗、广岛蚝荷叶炒饭😋
个豆苗炒得好出色，用咗好嫩嘅豆苗口感非常爽滑！荷叶饭非常有惊喜，我由细到大都唔太钟意荷叶饭但系今日都食晒😝 因为金蚝冇晒所以大厨David就用咗新鲜嘅广岛蚝汁煮后配上荷叶饭。只蚝好新鲜，蚝味重非常鲜甜浓郁，熟度啱啱好，咬落去仲爆晒汁🤤
荷叶饭食得出厨师嘅心机，我最怕荷叶饭湿爹爹，呢个荷叶饭每粒饭都炒得干身分明啱啱好，在用荷叶包住蒸焗，荷叶嘅飘香彻底渗透哂入每一粒饭度，系真正嘅色香味俱全😍😍😍
最后到甜品，甜品相对头盘同埋主菜就冇佢哋咁出色啦不过都合格啦。😝
张贴
