Gaba Concept (已結業)

之前上网search到呢间餐厅,就突登黎试下。入到去环境好清幽,布置典雅,好适合relax,倾计。首先叫左红菜头烟三文鱼意粉。意粉creamy得黎唔油腻,而三文鱼岩岩好融入左系意粉入面,烟熏味同咸味都够,红菜头爽口既质感正好为意粉带黎冲击。荔枝cheese cake,听讲粒荔枝系酿左半年。荔枝食落果然系唔错,甜得黎唔漏,但反而蛋糕既cream相比下比较淡口,唔多够甜,听讲系因为用左健康d既糖,冇用白糖。冒名而黎都系因为呢个Waffle,但坦白讲有少少失望。呢道甜品大致可以分为三层:雪糕,泡芙同waffle。雪糕都唔错,正常发挥；泡芙系最好食既部份,外脆内软,入面既奶油酱几好味,加上外面有朱古力酱衬托系几好；waffle就麻麻地,唔知系咪因为俾上面既野压得耐,搞到佢好淋,冇乜质感。而且食落亦系比较淡口,唔够甜,士多啤梨酱亦比较酸,唔太自然。可能因为食材低糖所以整体比较淡口,但系作为男仔就唔多care@@但对于想食健康甜品既朋友系个好既选择。