法國飯店

营业中

休息中

多年前都黎食过下午茶，今次入住黄金海岸顺便都黎食下饭。好耐无饮过酥皮汤，怀旧港式西餐味道☺️酥皮好脆，好浓郁嘅龙虾味🦞应该系上等龙虾熬制而成😜烟三文鱼伴鲜虾沙律好开胃😆大虾好新鲜，烟三文鱼沙律堆叠成个海鲜塔咁，沙律爽口😬另一款半熟芝麻呑拿鱼香桃沙沙，带有夏威夷风情🏖呑拿鱼好香芝麻味，配埋酸酸甜甜香桃果粒🍑更能突出呑拿鱼嘅弹牙脂香😊😊下一道都系海鲜，深海鳕鱼柳配南瓜蓉忌廉汁，鳕鱼柳火候控制得啱啱好，冇雪藏味，南瓜蓉绵密香滑👍🏻食落喉咙好舒服😌食埋另外一道主菜就饱饱啦🤤法式芥末野菜焗无骨咸猪手，摆盘出色一啲都睇落唔似系一道猪手💁🏻‍♀️法芥同咸猪手真系好朋友嚟，配搭埋野菜可以解吓猪手嘅油腻。总结呢一餐食物高质，用膳环境气氛佳。