柚屋 (已結業)

琴日去完成日街，今日天气又唔好，就求其去长沙湾揾嘢食。之前见到柚屋评价唔错，所以就同小宝仔试一试。店内比较细，大概只有15个座位左右，幸好今日冇人排队，我哋就好快可以坐低试吓呢度柚子嘅食物。这里嘅食物，基本上都会包含一杯黑咖啡或茶，而我哋就想试其他饮品，那杯饮品就可以减＄12。我就点了个柚子胡椒鸡扒野菜沙律，这个味道清新，唔会有好多沙律酱，我食沙律最怕太多沙律酱搞到冇咗一种好Fresh嘅感觉小宝仔就点了一个柚子胡椒鲜野菌意粉，这个我哋就有啲失望，我就觉得有啲咸，冇柚子味，而且那种辣并不是胡椒那种味道。野饮方面，我就叫了一个抺茶朱古力latte，杯野嚟到嘅时候，真系想哗一声，层次分明又好靓，不过比较细杯。味道唔会太甜，抹茶味浓但系饮唔到朱古力味。而小宝仔就点了一个热柚子朱古力，第一下饮落去觉得好甜，但饮饮下，就发现有柚子味，味道都几好。