Tsuzuku (已結業)

平日lunch銅鑼灣都人頭湧湧，所以就黎左一間較遠既cafe。間店唔算大，但可能因為比遠所以人都唔多。首先要去收銀比錢落order。松葉蟹肉燉蕃茄小麥 $148蟹肉方面得兩隻小蟹腳，有d似超級市場個d冷凍蟹腳，但佢解凍做得好，完全唔會有雪味，但都唔算好鮮甜。個小麥好有咬口，本身諗小麥唔會太吸味，但每粒小麥都比醬包住，再加其他爽口蔬菜，十分健康。焙茶鮮奶 $55焙茶味濃，焙茶同鮮奶好溶合，唔會一時焙茶濃d，一時鮮奶濃d，帶有少少甜味。個漸層都好靚。如果男人黎食可能唔會飽，但女仔就啱啱好。