影片
更多
2015-10-27
601 浏览
唔知大家有冇听过豆腐人呢？系来自日本一个character嚟。小妹同朋友都好buy佢，而咁啱近排有间日式拉面铺就揾咗豆腐人搞promotion，所以就择日去棒下场。嚟到门口，果然见到成个豆腐人布景纸板，不过好似比小妹心中型咁多嘅。。一坐底，四围望吓，楼底够高，参考日本风格装修，同埋最最最重要系有海景睇，呢个位值得加分，有得望下个海真系食嘢个人都会舒畅啲。入到去睇睇menu，小妹系一心想叫有豆腐人个虎洞拉面嘅，不过睇下谂下。。又唔系真系咁想叫。。可能真系唔吸引。。到最后就叫咗呢度嘅自家拉面。自家拉面有三款汤底：白虎、赤虎、黑虎，同有可以配三种肉：日式叉烧、薄切豚肉、豚角煮（即类似东坡肉）。小妹连朋友总共三个人，啱啱好可以叫哂三款汤底match三款肉。仲有，面嘅硬度系冇得简嘅。而我哋始终冇miss到豆腐仔，特登问下侍应可唔可以就咁单叫刻有豆腐仔样嘅蛋，又okay㖞！总叫嚟到见过下面咁啦。先讲碗白虎汤底配日式叉烧拉面。汤底虽然话系白虎汤底，应该有番少少胶质嘅味道，但其实完全饮唔出，同埋反而有少少带酸同埋真系好咸，咸到觉得碗嘢好重口味，老实讲唔太掂。日式叉烧就好普通嘅货色，冇咩值得著墨。面亦系
嚟到门口，果然见到成个豆腐人布景纸板，不过好似比小妹心中型咁多嘅。。一坐底，四围望吓，楼底够高，参考日本风格装修，同埋最最最重要系有海景睇，呢个位值得加分，有得望下个海真系食嘢个人都会舒畅啲。
入到去睇睇menu，小妹系一心想叫有豆腐人个虎洞拉面嘅，不过睇下谂下。。又唔系真系咁想叫。。可能真系唔吸引。。到最后就叫咗呢度嘅自家拉面。自家拉面有三款汤底：白虎、赤虎、黑虎，同有可以配三种肉：日式叉烧、薄切豚肉、豚角煮（即类似东坡肉）。小妹连朋友总共三个人，啱啱好可以叫哂三款汤底match三款肉。仲有，面嘅硬度系冇得简嘅。
而我哋始终冇miss到豆腐仔，特登问下侍应可唔可以就咁单叫刻有豆腐仔样嘅蛋，又okay㖞！总叫嚟到见过下面咁啦。
先讲碗白虎汤底配日式叉烧拉面。汤底虽然话系白虎汤底，应该有番少少胶质嘅味道，但其实完全饮唔出，同埋反而有少少带酸同埋真系好咸，咸到觉得碗嘢好重口味，老实讲唔太掂。日式叉烧就好普通嘅货色，冇咩值得著墨。面亦系好一般，食落质地偏淋，浸汤浸得耐咗就更加淋。反而配菜就有番少少惊喜，笋做到几爽口，紫菜亦唔失色，叫做帮碗面加番啲分。
跟著到赤虎汤底配薄切豚肉拉面。第一眼望落去见到汤偏少，仲以为突登要整到个汤浓啲，之后问过侍应原来真系俾少咗汤。。但见佢加汤时系加番白色嘅清汤，搞到feel到碗嘢好似沟淡咗咁。。。而碗嘢沟左汤之后，都仲系好红嘅，不过其实唔系辣，而比较大问题嘅系碗嘢系一样咁咸，饮完啖汤甚至有啲痴口。。。食落，面质同样系淋身，豚肉就比想像中好，有肉味有咬口。蛋都卤得入味，但因为碗野好咸，搞到只蛋食落就更加咸。
最后系黑虎汤底配豚角煮，见到碗嘢，蒜就冇乜，反而就见到好油。饮咗啖，黑蒜味其实几出，但系完全比碗嘢嘅油腻同咸味覆盖咗，有啲失色。面质同样系太过淋身，咬感唔得。至于只蛋，咬落入面啲蛋黄系真系流心嘅，但唔知点解食食下就会觉得有啲「鞋」。
差啲唔记得mention只豆腐仔蛋，外型够得意，同埋个样cute番啲。至于味道，本来会expect佢会比跟汤嘅卤蛋滑身啲，点知最后系食得出「鞋」身。。。算啦，呢度啲嘢开始比小妹感觉都系得个款。
另外仲有只自家制辣椒酱可以mention一下，只酱本身就收货够辣味嘅。不过喺度提一提一样搞笑嘢，小编其中一位朋友一开始以为个酱入面捞埋咗好多芝麻，小妹同另一位朋友就反驳个啲应该系辣椒籽，点知最后问过店员，原来个啲真系芝麻嚟。。。
总结，呢度一碗野七十几蚊，位处尖沙咀地区又有海景睇，算系抵食。不过味道方面就真系不敢恭维，面就清一色偏淋，汤又太过咸，总之就系食完一次就会算唔想再嚟个种感觉。抵食度：3.5/5
好味度：2.5/5
张贴
